JɔnN Deesi 17:5 - Tampulma

⁵ Ba fun sɔbi o sɔn naa mun soglee a sak o til ni. Ma nyɛ mu kpa un li gbampulim a ŋɔ ma. O mun ya, “min ya Babilɔn naa ya tɔ zen awa sakaal tima wa ba naa maga la tum tum doŋa kinkan niina.”

JɔnN Deesi 17:5 Referans Kwoze

JɔnN Deesi 14:8

Malaikasa lɛ tiina fun za a tiŋ te tel tiin ti gantɛl a ŋɔ, “Tɔhɔn zen naa ba yir Babilɔn, fun chɔk. Chɔkumsi tuma a naa o nara fun tum, chi sin kpokre o fun muksi ba ba nyɔ.”

JɔnN Deesi 18:2

O fun tɛsi wa ta zaŋ ni a ŋɔ, “Tɔhɔn zen naa ba yir Babilɔn, fun chɔk. Alizin tagna awa zimebisa a nawara doŋee kinkan duŋduŋ nyɛn dooni.

JɔnN Deesi 17:7

Malaika ti fun ŋɔ min, “Yɛrɛ i nyɛ alaazibu kpak hin chen ni? Nihaan ti awa sel zen naa kpak nyuuna nɔpɛ awa nyindaasa fi ka o zini un, o wa un kpak mun naa soglee. Mu zi ŋɔ hin chenani o duu.

JɔnN Deesi 19:2

Chenani o di nara sɛria deŋlu a ya wuti. O funɛ na sakaal tiina naa zen chenu galimsa a ta un yɔri, domi o funɛ nyɛ tɛɛnɛ nɔ tim maga wa un tum sakaal tumwa. Waa funɛ lɛrgi o diŋna domi o funɛ kpu o tumtumsiwa.”

JɔnN Deesi 16:19

Babilɔn awa tɛɛnɛ nɔ maga tɔ zene fun chesi Koosa fun lisi chenani Babilɔn tima fun tum tum tagna damata a kpa o paan kinkan a du ba ni a lɛrgi ba diŋsa. O funɛ chi o nyɛ ba sinnɛ di ba nyɔ ba biti o maga a nyɔ.

2 Tɛs. 2:7

Nibinsa piin sogli a vɛ Koosa. Chen kin ti tɔ ba nyinbaan di ba vɛ Koosa gbampulim ni chen, hali o saha wa tel o kaali.

JɔnN Deesi 18:21

Malaika kpok fun zer buŋkul a chi nam a yo du teku ni ni a ŋɔ, “Nannɛ Koosa fun kpa o kpok a chɔk Babilɔn tɔ zen, ka o bu vɛ nyɛni.

JɔnN Deesi 11:8

a nyɛ ba bara chɔ tɔhɔn zen naa ba fun kpaasi ba kunyana a mari daakakli ti, nyinbaan ni. Ba gbanko funɛ yir tɔhɔn ti Sɔdɔm akoo Ijipt.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

JɔnN Deesi 7:3

“Ma nyɛ mu te dani Koosa tumtumsa a li ba tilsa ni ka ma zi chɔk tɛɛnɛ awa ni wa bugila.”

JɔnN Deesi 1:20

Wula nɔpɛ a naa nyɛn mu nindil ni nan awa fitinsa bar chiŋɛ nɔpɛ ka ba fun kpa salma a kɔɔri a, a muna funɛ sogliu. Lalaknɔ a li gbampulimu mu zi kpa a munau a biksi hin. Wula nɔpɛ ta ya Koosa malaikasa nɔpɛ a naa la nyini Yesu nitiŋɛ ka ba purigi bunɔpɛ a li Azia pulum ni. Fitinsa bar chiŋɛ kina nɔpɛ ta ya Yesu nitiŋɛ ba naa purige bunɔpɛ dooni chen.”

JɔnN Deesi 17:1

Doone malaikasa naa funɛ kpak salma gbaŋsa, digi fun wa ŋɔ min, “Sakaal tiin digi kanɛ mɔɔga damata bambaan ni. Kuwa a wa na chenani Koosa zi lɛrgi o diŋsa.

JɔnN Deesi 17:2

Tɛɛnɛ nɔ tim maga awa ba koorsa wa un funɛ tum sakaal tuma. Chenani ba wa un fun tum chi sinnɛ ba nyɔ a dɛɛsi.”