JɔnN Deesi 17:14 - Tampulma

¹⁴ Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 17:14 Referans Kwoze

Room 8:30

Koosa fun yir ba naa o fun te lisi di ba wa o wati. Ba funɛ wa o wati, o wa fun bu na ba galimsa o wati a sɛm di wuzu digi o zi zer ba buudahau a nyɛ ba jirima.

1 Tim. 6:15

Koosa naa zenee a dɔ kina maga a ya koorsa maga kaŋkoora, waa la zi tum un saha naa o daŋni.

Mat. 22:14

Yesu funɛ sɛm la mak o bɔ, o fun ŋɔ zɛmɛ ta ni, “Koosa yir nidamata di ba wa o wati, amaa o funɛ lisi nara tamnɛ.”

JɔnN Deesi 3:21

Ba naa kpak nɛnɛ hali a la tel o bɔ, mu zi nyɛ ba bɔni mu jirima bar nyɛniu Koosa chakpal ni. Mu funɛ kpak nɛnɛ hali a fun la tel o bɔ. Chendaha o nyɛ mu kani dooni.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 16:14

Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.

1 Kɔr. 15:24

Tɛɛnɛ nɔ maga siili saha zi wa tel, Kristo zi wa nyaŋi o dɔma ba naa maga dɔ ba nara kpok. O ya chen, o zi kpa o koor tiu a nyɛ o kunyana Koosa ni.

Room 8:37

Hali kin nama kibɛgim zi wa pu ya, ya kpok kaali a kpok domi Yesu Kristo daŋni yau.

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

JɔnN Deesi 11:7

Ba funɛ biksi Koosa sɛma a peti, sel zen naa kpak kpok kinkan funɛ wa li bɔ naa vɛ kpak bar peti chenu a chem ba yo niu. O fun nyaŋi ba a kpu ba maga,

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

2 Tim. 2:4

Lanjima la laal ni, o yaa gil o kina magau a ta gantɛl ni. O yaa daŋni o tuma sɔɔni o nyuhu tiina tuhau.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Mat. 25:40

Mu zi ŋɔ bau, ‘Wutirɛ n ŋɔ ma, chen naa maga ma fun ya a nyɛ mu gantɛl tiŋsi ta ni hali ba bichɛl tiin ni, mu nɛɛ ma tum nyɛ chen.’

Room 1:6

Ma gbanko funɛ gbaari ba niu. Koosa fun a yir ma di Yesu Kristo dɔ ma.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.