17 Doone malaikasa nɔpɛ tiina fun la biti a du buudaha ni. Mu funɛ nu ta kpoku a li Koosa jirima bar nyɛni ni ka o ŋɔ, “Chenani mu di tɛɛnɛ nɔ tim maga sɛria duglɛ petiu.”
Mu tum peteu. Mu vɛ kpak piili a nyɛn a vɛ kpak peti. Mu mi fali naa mu kpa nyɛ nara ni chi nisire. Ba naa maga nyɔksa kpak, mu zi nyɛ ba nyɔ dooniu yɔri.
Ya wara daŋni ya kpa Koosa kpok nɔ a chem nara. Ya ka daŋni un ya la chem siim kpoka awa kpok damata a naa la tum tum tagna kinkan awa ba naa maga vɛ zim Koosa a nyɛn buudaha ni.
Doone mu fun nu ta a li Koosa bar jɛɛmi dam ti ni ka o fun ŋɔ malaikasi ta ni, “Ma kpa Koosa paan kinkan awa chenani o lɛrgi tɛɛnɛ nɔ tim maga diŋsa naa nyɛn salma gbaŋsi ta ni a la bini a biti du ba ni.”
Nihɛɛti ta funɛ sɛm peti, ba fun puk Koosa bar jɛɛmi dam naa nyɛn o tɔhɔn ti ni, bulzɔɔnɔ, ka tɛɛnɛ nɔ tim maga fun na o tuha. Doonee ba fun na adaka awa doonani ba fun sɔbi di Koosa wa nara funɛ ya nɔ bɛgim. Nasɛha fun nyiksi a tɛsi. Tɛɛnɛ fun zigsi ka doonbe chesi kinkan.
Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”