JɔnN Deesi 14:15 - Tampulma

¹⁵ Malaika fun li Koosa bar jɛɛmi dama a sɛm ta zaŋa a ŋɔ un, “Tɛɛnɛ nɔ maga kina kumi saha telu. Zer i gorga a la kum.”

JɔnN Deesi 14:15 Referans Kwoze

Maak 4:29

A wa bi a mak kumi chen, ba kpa chisa a kaali ŋmaha ti a la kum a.”

Mat. 13:39

Sintana, naa ya ya dɔm, waa funɛ du kɔsi ta mu ŋmaha ti ni. Kumi saha wa ya tɛɛnɛ nɔ maga siili. Nikumɛ ka wa ya Koosa malaikasa.

JɔnN Deesi 14:18

Malaikasa tora tiina naa la nyini din ti, fun li biŋbiŋ ti suwachak a fun tiŋ o gantɛl a sɛm ta zaŋa a ŋɔ a nyɛ naa o sak chen ni, “Zer i gorga diili a teŋsi bugil naa maga ba yir ‘vain’ ka a nɔna sɛri chen maga.”

Mat. 13:30

Ma nyɛ mɛ ta wa kɔsi ta lagmi a bi. Kumi saha wa tel, mu zi nyɛ nikumɛ ta waligi kɔsi tau a fu a, a ka kpa mɛ ta wa du mu suŋkɔr ni.’ ”

JɔnN Deesi 16:17

Doone malaikasa nɔpɛ tiina fun la biti a du buudaha ni. Mu funɛ nu ta kpoku a li Koosa jirima bar nyɛni ni ka o ŋɔ, “Chenani mu di tɛɛnɛ nɔ tim maga sɛria duglɛ petiu.”

Mat. 23:32

Ma kpa min a peti chenani ma nawaalsi ta fun piili a chiŋsi.

JɔnN Deesi 15:6

Malaikasa nɔpɛ naa funɛ kpak wichɔɔrtisa nɔpɛ ta fun li dooni. A fun laari kipilima kinkan a wer ka salma gar we kirisi a bambe.

JɔnN Deesi 14:14

Mu fun nyini a na ka Yesu naa ya nibine be fun kani dobaal pilim daha ni. O funɛ chik salma nyuchigrɛ a kpak gorga diili o nin ni.

JɔnN Deesi 6:10

Ba fun tɛsi ta zaŋa a ŋɔ, “Ya kunyana, hin ya tu chaan tiina awa wuti tiina a kpak kina maga kpok. Yɛrɛ o zi vusi ka i di tɛɛnɛ nɔ tim maga sɛria a lɛrgi ba diŋsa chenani ba fun kpu ya chen daha?”

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

JɔnN Deesi 13:12

O funɛ chiŋi sel zen naa nyuha funɛ huusi a peti chen, gantɛl nɛɛ a kpa o kpok a muksi ba naa maga nyɛn tɛɛnɛ nɔ maga ni di ba jɛɛmi sel zen nɔ.

JɔnN Deesi 11:19

Nihɛɛti ta funɛ sɛm peti, ba fun puk Koosa bar jɛɛmi dam naa nyɛn o tɔhɔn ti ni, bulzɔɔnɔ, ka tɛɛnɛ nɔ tim maga fun na o tuha. Doonee ba fun na adaka awa doonani ba fun sɔbi di Koosa wa nara funɛ ya nɔ bɛgim. Nasɛha fun nyiksi a tɛsi. Tɛɛnɛ fun zigsi ka doonbe chesi kinkan.

JɔnN Deesi 14:16

Doone Yesu naa funɛ kani dobaal ti ni chen fun viigi o gorga a kum tɛɛnɛ nɔ maga kina.

JɔnN Deesi 14:17

Malaika digi fun li Koosa bar jɛɛmi dama naa nyɛn o tɔhɔn ti ni. O gbanko funɛ kpak gorga diilire.