JɔnN Deesi 12:3 - Tampulma

³ Dana zen digi funɛ gbaari un ni a li buudaha ni. Sel zen sɛm funɛ nyɛn doon. O funɛ kpak nyuuna nɔpɛ awa nyindaasa fire a chiksi koorsa nyuchigsa nɔpɛ.

JɔnN Deesi 12:3 Referans Kwoze

JɔnN Deesi 17:12

“Sel zen ti nyindaasa fi ya nara ba zi wa vɔti ba koorsa. Ba wa vɔti ba, ba wa sel zen ti zi dɔ kerifi bɛgimu.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 17:16

Sel zen ti wa o nyindaasa fi a naa ya koorsa zi ha nihaan tiu. O wa ba zi lɛrgi o gar were tau a ur o bara ni a kpu un a se a fu un wa din ni.

JɔnN Deesi 17:7

Malaika ti fun ŋɔ min, “Yɛrɛ i nyɛ alaazibu kpak hin chen ni? Nihaan ti awa sel zen naa kpak nyuuna nɔpɛ awa nyindaasa fi ka o zini un, o wa un kpak mun naa soglee. Mu zi ŋɔ hin chenani o duu.

JɔnN Deesi 20:2

O fun kpak sel zen sɛm naa funɛ te duŋni nihaan ti a vɔu un wa zɔgli ti ni hali bun tusuga. Waa ya sintana naa ba yir dum ti a nyɛn a vusi a ya alizin tagna koora.

JɔnN Deesi 12:4

Sel zen ti fun purigi buudaha butora a lisi bar digi a kpa o munzuha a chaasi wula a ta tɛɛnɛ nɔ maga ni. Sel zen ti fun chiŋi nihaan naa la duuri chen suwachak ni, chen ni o lulɛɛ, o zi se be tiu.

JɔnN Deesi 12:1

Doone dana zenzen fun nyɛn buudaha ni. Haan digi funɛ nyɛn doon. O wa o kilaarɛ fun chaani a chi nha, ka o naŋgere zɔŋ pɛn daha ni. Wula fidalɛ funɛ nyɛn nyuchik naa o fun chik chen ni.

JɔnN Deesi 16:13

Doone mu fun na ka alizin tagna tora a chi sampɔrsa fun wa li sel zen naa duŋni nihaan ti awa sel zen naa li ni ni wa witiina naa vɛ zim Koosa, nɔɔni ni.

JɔnN Deesi 19:12

O se funɛ chi dinfullɛ ka o fun chik salma nyuchik damata o nyuhu ni. Ba fun sɔbi sɔn naa nandigi vɛ zim o mun a gbaari un ni, a sak un ni.

JɔnN Deesi 12:17

Sel zen ti funɛ na chenani yɛɛ, a paan fun bu si a du nihaan ti ni a gbaari. O fun bur a la chem ba naa maga tiŋ Koosa chiksɛ nɔ a ŋɔ nara ni di Yesu dɔ ba wa laal ni. Ba waa ya nihaan ti nibabichɛla bi lulɛ.

JɔnN Deesi 12:7

Doone Koosa malaikasa awa a nihɛɛ naa ba yir Maikil, fun lagmi dɔŋ ni di a la chem sel zen ti awa o malaikasa laal ni a li Koosa tɔhɔn ti ni.

JɔnN Deesi 12:13

Sel zen ti funɛ na di ba duŋni un a ta tɛɛnɛ nɔ maga ni chen, o fun la muksi nihaan naa funɛ lul nibabichɛla, kinkan.

JɔnN Deesi 13:1

Doone mu fun na sel zen digi ka o li ni ni. O funɛ kpak nyuuna nɔpɛ awa nyindaasa fire a chiksi koorsa nyuchigsa kin fi o nyindaasi ni. Ba fun sɔbi sɛm nawara la pini Koosa zoma a sak o nyuuna nɔpɛ ta ni.

JɔnN Deesi 13:2

Sel zen ti funɛ chi wiibagarɛ ka o naŋgere awa o nɔ chi gbogumta. Sel zen naa funɛ chiŋi ni nɔ ni chen, fun kpa o kpok kinkan awa chenani o dɔ tɛɛnɛ nɔ tim maga a kpa du o nin ni.

JɔnN Deesi 13:4

Ba fun jɛɛmi un a ŋɔ dɔŋ ni, “Anti zen a tel un akoo a kpak kpok di o wa un yo dɔŋa?” Ba gbanko funɛ jɛɛmi sel zen naa funɛ chiŋi ni nɔ ti ni, domi o funɛ kpa o kpok magau a nyɛ un.

JɔnN Deesi 15:1

Doone mu fun nyini a na ka dana zen naa nyɛ alaazibu fun kpak min, fun nyɛn buudaha ni. Malaikasa nɔpɛ fun kpak wichɔɔrta a naa kurgɛ, kina nɔpɛ a nyɛn dooni. Ba wa kaali a nyɛ wichɔɔrtisi ta kpaksi tɛɛnɛ nɔ tim maga, chenani Koosa na paan a du ba ni a lɛrgi ba diŋsa zi wa petiu.