JɔnN Deesi 12:11 - Tampulma

¹¹ Chenani Kristo naa ya Koosa piisi be, fun sou awa chenani ya niinbisa fun biksi nara o wɛ a fun saksi di ba sou a nyɛ un, kin nama funɛ nyaŋi sintana.

JɔnN Deesi 12:11 Referans Kwoze

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

1 Jɔn 5:5

Ba naa se su di Yesu ya Koosa bere duŋduŋ la zi ya chen.

1 Kɔr. 15:57

Ya kunyana Yesu Kristo funɛ nyaŋi sou. Chendaha ya zaami Koosa.

JɔnN Deesi 2:26

Ma kpak nɛnɛ a sɔɔni mu tuha hali a la tel o bɔ, mu zi vɔti ma mu koorsau ma dɔ tɛɛnɛ nɔ tim maga.

Room 16:20

Koosa naa ya bara sɔɔna tiina, waa la zi wa chɔk sintana a nyɛ ma lalaga. Ya kunyana Yesu zi suŋi mau.

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

1 Jɔn 4:4

Mu bisa, Koosa dɔ ma a fun kpa o siim weri ti a nyɛ ma. O kpok naa nyɛn ma ni chen, waa kpok kaali Kristo dɔm kpok naa nyɛn ba ni.

JɔnN Deesi 3:5

Mu zi nyɛ ba naa kpak nɛnɛu hali a la tel o bɔ laari kipilimau ka mu zi nyɛ ba sɔna naa ba fun sɔbi aa du Koosa mi fali tɔn ti ni kpalimi dooni. Mu si sɛm mu nyana awa o malaikasi ta gbampulim niu a li ba suwachak ni di min dɔ ba.

JɔnN Deesi 3:21

Ba naa kpak nɛnɛ hali a la tel o bɔ, mu zi nyɛ ba bɔni mu jirima bar nyɛniu Koosa chakpal ni. Mu funɛ kpak nɛnɛ hali a fun la tel o bɔ. Chendaha o nyɛ mu kani dooni.

JɔnN Deesi 3:12

Ba naa kpak nɛnɛ hali a la tel o bɔ, mu zi nyɛ ba burgiu a chi zantɔglsa a li Koosa bar jɛɛmi dam ni hali saha naa vɛ kpak bɔ. Mu zi sɔbi Koosa sɔn awa o tɔhɔn ti sɔnu a sak ba ni. O tɔhɔn ti ya Jɛrusalɛm fali naa Koosa zi nyɛ o wa nyɛn tɛɛnɛ nɔ maga ni wuzu digi. Mu gbanko zi sɔbi mu sɔn faliu a sak ba ni.

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

Luk 14:26

“Nar wa mu wati a la daŋni o nyana, o niina, o haan, o bisa, o niinbisa awa o toosa a gbaari o titi a kaali min, o wa kikoti a tiŋ min.

JɔnN Deesi 11:7

Ba funɛ biksi Koosa sɛma a peti, sel zen naa kpak kpok kinkan funɛ wa li bɔ naa vɛ kpak bar peti chenu a chem ba yo niu. O fun nyaŋi ba a kpu ba maga,

JɔnN Deesi 1:2

Mu funɛ kpa Koosa sɛmau, chenani Yesu Kristo biksi ya o titi wɛ awa kin naa maga mu fun na a nu a sɔbi a dau bar nɔ.

Tuma 21:13

O fun ŋɔ ya, “Yɛrɛ ma nyɛ mu wɛ muksi ma a nyɛ mu bambi buti? N saksɛu di ba kpak min a vɔu ya kunyan Yesu daha. Hali mu saksɛu di mu sou a nyɛ un.”

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.

JɔnN Deesi 6:9

Doone piisi be ti fun kasi kitɔɔli anyuun tiina a bu puk tɔn ti tama a gbaari. Mu fun nyini a na ka biŋbiŋa nyɛn dooni. Ba naa tɛɛnɛ nɔ tim maga fun kpu domi ba funɛ biksi ba Koosa laaboor weri ti wɛ a vɛ bur gantɛl a li ba biksi ni, ba funɛ nyɛn biŋbiŋ ti mun nɛɛ.

JɔnN Deesi 2:17

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, mu zi kpa diwe naa ba yir ‘mana’ ka o sogliu, a nyɛ ba ba di. Mu zi sɔbi sɔn falɛu a sak buŋkul pilimi ni a kpa nyɛ ba. Ba naa la a chen duŋduŋ la zi zim chenani sɔbi sak o kin ni.”

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 12:17

Sel zen ti funɛ na chenani yɛɛ, a paan fun bu si a du nihaan ti ni a gbaari. O fun bur a la chem ba naa maga tiŋ Koosa chiksɛ nɔ a ŋɔ nara ni di Yesu dɔ ba wa laal ni. Ba waa ya nihaan ti nibabichɛla bi lulɛ.