JɔnN Deesi 11:18 - Tampulma

¹⁸ Saha telu di i na paan a lɛrgi ba diŋsa a di ba naa sitɛɛ, sɛria. Chendaha ba naa vɛ zim hin, fun na paan kinkan a du hin ni. Saha telu di i bɔ i witinsa ba naa ya i tumtumsa, awa i nara ba naa maga ya nizene awa niwisa a la nyɛ hin jirima, chem. Saha telu di i kpa ba naa funɛ chɔk tɛɛnɛ nɔ kina maga a ta ba yɔri.”

JɔnN Deesi 11:18 Referans Kwoze

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

JɔnN Deesi 19:5

Doone mu fun nu ta a li Koosa jirima bar nyɛni ni ka o ŋɔ, “O deŋlu di ba naa maga ya nizene awa ba naa vɛ yaali a ya o tumtumsa a la ɔm un, ba pɛgi un.”

JɔnN Deesi 13:10

O ya Koosa tutɔrɛ ba zi wa kpaksi ma bɔnɛ a tɔ dɛ a kpa chisi zene a kpu ma bɔnɛ. O lawa ma naa ya Koosa nara di ma namsi wa kanyita niu a kpak nɛnɛ hali o bɔ wa tel. Kin nama zi sir yau.

JɔnN Deesi 22:12

Yesu ŋɔ, “Ma nu mu wati. O wa zi vusi ka mu wa bɔ ma chim a li chenani ma tum.

JɔnN Deesi 15:7

Ba fun la chiŋi sela naasi naa chiŋɛ a go Koosa jirima bar kani ti chen digi suwachak ni. O fun kpa Koosa naa nyɛn hali saha naa vɛ kpak bɔ, paan kinkan awa chenani o lɛrgi tɛɛnɛ nɔ tim maga diŋsa a du salma gbaŋsa nɔpɛ ni a nyɛ malaikasi ta ni.

JɔnN Deesi 15:1

Doone mu fun nyini a na ka dana zen naa nyɛ alaazibu fun kpak min, fun nyɛn buudaha ni. Malaikasa nɔpɛ fun kpak wichɔɔrta a naa kurgɛ, kina nɔpɛ a nyɛn dooni. Ba wa kaali a nyɛ wichɔɔrtisi ta kpaksi tɛɛnɛ nɔ tim maga, chenani Koosa na paan a du ba ni a lɛrgi ba diŋsa zi wa petiu.

JɔnN Deesi 14:10

Koosa na paan kinkan a du ba ni a lɛrgi ba diŋsa. O paan kinkan chi sin kpokre ba vɛ kpa kundɔŋ a pulsi, naa o muksi ba di ba nyɔ. O zi nyɛ ba kpa bau a du din ni di ba namsi kinkan a li piisi be ti awa o malaikasa naa o fun lisi a nyɛ o titi ni suwachak ni.

Ju 9:27

Nibinsa maga zi sou bu bɛgim. Ba wa siti, Koosa zi wa di ba sɛriau.

Luk 1:50

O ɔm sikirɛ a nyɛ ba naa maga la nyɛ un jirima, tɛɛnɛ nɔ maga piili ti ni hali wa zinan.

Mat. 5:12

Chene nibinsa funɛ muksi Koosa witinsa ba naa funɛ nyɛn saha digi chen kinkan. Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan.”

JɔnN Deesi 20:15

Ba naa ba ha vɛ sɔbi ba sɔna a du Koosa mi fali tɔn ti ni, ba fun kpa ba a yo du bɛɛŋ ti gbanko ni.

JɔnN Deesi 18:6

Waa funɛ nyɛ nara tum tum tagna kinkan. Ma nyɛ ba la tum tum tagna bilɛ lalaknɔ a nyɛ un. Chenani o wa ba tum sakaal tuma funɛ chi sinnɛ o kpa nyɛ ba. Ma nyɛ ba kɔɔri sin bilɛ lalaknɔ a la nyɛ un.

JɔnN Deesi 11:2

Ta maksɛ Koosa bar jɛɛmi dam sali ta, domi ba naa vɛ zim Koosa chen, zi wa zu dooniu a chɔk tɔhɔn naa o fun lisi a nyɛ o titi ni, a val o daha ni pɛn fumnaasi dalɛ ni.

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.

JɔnN Deesi 10:7

Malaikasa nɔpɛ tiin ti funɛ wa hu o kaabul, Koosa naa funɛ te kpa chenani o funɛ lisi a sogli a zi kpa a a li gbampulim a biksi o witinsa ba naa funɛ ya o tumtumsa, o zi tum chenani o daŋni o ya saha digiu.”

JɔnN Deesi 13:16

O gbanko fun kpa o titi dana a dani nara ba naa maga ya nibirige awa ba naa vɛ yaali, kin tima awa fara tima, ba naa ya yosa awa ba naa vɛ yaali a li ba nindilsa awa ba tilsa ni.

JɔnN Deesi 19:18

O zi kpa koorsa, lanjimasa awa ba nihɛɛta, zaagna awa ba naa zinɛ a, ba naa ya nibirige awa ba naa vɛ yaali, ba naa ya yosa awa ba naa vɛ yaali, a wa ba magwa o zi kpa nyɛ ma ma di.”