JɔnN Deesi 1:10 - Tampulma

¹⁰ Aleedi wuzu digi Koosa siim weri ti fun wa si min ni a nyɛ mu na kin bɔnɛ a chi mu deesi. Mu fun nu ta zaŋa a chi kaabul,

JɔnN Deesi 1:10 Referans Kwoze

JɔnN Deesi 21:10

Koosa siim weri ti fun nyɛ malaika ti zer min a la zini bi ziŋziŋi nyuha. O fun biksi min Jɛrusalɛm fali naa Koosa fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga.

JɔnN Deesi 17:3

Koosa siim weri ti fun nyɛ malaika ti zer min a la nyabaan. Sel zen sɛm naa funɛ kpak nyuuna nɔpɛ awa nyindaasa fi funɛ nyɛn dooni. Ba fun sɔbi sɛm nawara la pini Koosa zoma kidamata a du un ni ka sakaal tiin ti fun zini un.

Tuma 20:7

Asibri wuzu zaazɔn ya wa Yesu nitiŋɛ ba naa funɛ nyɛn Troas ni, fun lagmi a di diwe. Ya funɛ di peti, Pɔɔl fun si a ŋɔ ya ni. O funɛ sɛm chene hali tɔhɛɛsa. Chɔɔsa zi wa pisi, o funɛ daŋni ya li dooni. Chendaha o fun sɛm a vusi.

1 Kɔr. 16:2

Aleedi wuzu kam, ma maga yaa zer kinkin naa maa daŋni ma la a li kinkin naa Koosa nyɛ ma chen aa dau. Maa ya chen, mu wa wa ma zi la petiu.

Jɔn 20:19

Aleedi wuzu dusum, Yesu gantɛl tiŋsi ta fun lagmi dɔŋ ni dam ni a kpari bulzɔɔnɔsa. Ba funɛ far bulzɔɔnɔsi ta chene domi ba funɛ ɔm Ju tim tawa. Doone Yesu fun wa chiŋi ba bambaan ni a ŋɔ, “Koosa nyɛ ma bara sɔɔna”.

Mat. 22:43

O fun bu pɛɛsi ba, “O ya di wutirɛ, yɛrɛ Koosa siim weri ti funɛ biksi Devid di o yir Kristo o kunyana. Ba funɛ sɔbiu a li Koosa sɛm tɔn ti ni di Devid ŋɔ,

Jɔn 20:26

Wuzu bunɔpɛ gantɛl ni, Yesu gantɛl tiŋsi ta awa Tɔmas fun bu lagmi dam ti ni a kpari bulzɔɔnɔsi ta. Yesu fun bu wa chiŋi ba bambaan ni a ŋɔ, “Koosa nyɛ ma bara sɔɔna.”

1 Kɔr. 12:3

Adaha mu daŋni ma zimu di nibine naa Koosa siim weri ti nyɛn, o wa zi koti a ŋɔ nɔ a nyɛ Yesu ni. Nibine wa to a la zi koti a sɛm nara ni di Yesu ya o kunyannɛ, see Koosa siim weri ti nyɛn un ni.