Mat. 9:15 - Tampulma

¹⁵ Yesu fun burgi a pɛɛsi ba, “Nar kpa haan ka o chɛnsa tusa bu chɔkuu? Aai. Ba wa zi ya chen. Saha naa ba zi wa kpak baal ti a kaali, chen wuzu ba zi wa vɔu nɔnau.”

Mat. 9:15 Referans Kwoze

JɔnN Deesi 19:9

Malaikasi ta digi fun wa ŋɔ min, “Sɔbi chenani mu kaa sɛm nan a dau. Ba naa ba zi yir ba wa piisi be ti di diwe a li haan fali dam ti ni, ba tusa zi sɔɔni.” O funɛ sɛm nannɛ a peti a bu sɛm tama a gbaari, “Sɛm na ya Koosa wuti sɛmwa.”

Jɔn 3:29

Nar kpa haan, waa dɔ un. Mu chi haan fali baal chɛnnɛ. Mu wa dugli un a nu o sɛma, mu tuha yaa sɔɔniu kinkan. Nara ta wa li mu wati a la Yesu wati di o chaksi ba wa ni ni, mu tuha yaa sɔɔniu kinkan a kaali chenani o fun te sɔɔni.

JɔnN Deesi 21:2

Mu gbanko fun na Koosa tɔhɔn naa o fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga. Ba funɛ yir un Jɛrusalɛm fali, domi o funɛ naami unu di o chiŋi kibuni ti bar chiŋi ni. O funɛ chi chenani nihaan yaa saksi di o yu baal chene.

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

1 Kɔr. 7:5

Adaha ma ta vɛ dɔŋa. Nibaal awa o haan vɔwɛɛ a ŋɔ di ba ha gil dɔŋa wuzu bilɛ, chen ni ba zi sumi Koosau awa tu kibɛgim ni a bu wa lagmi dɔŋ ni, chen weree. Amaa o vɛ ya chene, ma ta waligi dɔŋ ni, chen ni sintana wa zi koti a zaamsi ma, domi ma wa kikoti a kpak ma titi nɛnɛ.

Jɔn 16:6

Mu ŋɔ ma kin nama wɛu ka a nyɛ ma tusa chɔk kinkan.

2 Kɔr. 11:27

Mu funɛ tumu a la gali a gil mu do bu damata. Nyɔksa awa lɔsa fun a kpak min. Mu kilaarɛ wa fun mak min ka mu vɛ kpak bar chɔɔli wuzu kama.

Mat. 9:14

Wuzu digirɛ Jɔn naa funɛ chaksi nara wa ni ni chen, gantɛl tiŋsa fun wa pɛɛsi Yesu, “Yɛrɛ ya wa Farisi tim ta gantɛl tiŋsa yaa vɔu nɔ, ka i waa gantɛl tiŋsi ta vɛ vɔwi?”

Mat. 9:16

O fun bu ŋɔ ba, “Ba wa kpa gar fali a lik takta buni bɔ di o vusi. Ba ka kpa gar fali ti a lik takta buni ti, o zi bukoo chɛɛsi kibuni tiu a gbaari.

Maak 2:19

Yesu fun burgi a pɛɛsi ba, “Nar kpa haan ka o chɛnsa bu vɔu nɔɔ? Aai. Ba wa zi ya chen.

Maak 2:20

Saha naa ba zi wa kpak baal ti a kaali, chen wuzu ba zi wa vɔu nɔu.”

Luk 5:34

Yesu fun burgi a pɛɛsi ba, “Nar kpa haan ka o chɛnsa tusa bu chɔkuu? Aai. Ba wa zi ya chen.

Luk 5:35

Saha naa ba zi wa kpak baal ti a kaali, chen wuzu ba zi wa vɔu nɔɔnau.”

Luk 17:22

Doone Yesu fun burgi a ŋɔ o gantɛl tiŋsi ta na, “Namsi saha wa pu ma, ma zi daŋni ma na n waa nibine beu, amaa ma wa zi na min.