Mat. 8:12 - Tampulma

¹² Ma Ju tima, ma waa fu zi zu dooni. Amaa ma vɛ zuuli chen. Chendaha Koosa zi wa kpa mau a yo du birsi ni. Dooni ma zi wa wi kinkan.”

Mat. 8:12 Referans Kwoze

Mat. 25:30

Ma lisi tumtum yɔri ti tiina a ta birsi bar nyɛni ni. Dooni o zi wiu kinkan a se o nyina.”

Luk 13:28

Ma wa na Abraham, Aizik, Jakɔb awa Koosa witinsi ta maga Koosa koor ti tuhu ni ka ma waa chiŋi o bulzɔɔnɔ ti gantɛl ni, ma zi namsiu aa wi kinkan.

Mat. 21:43

Yesu funɛ sɛm a la mak o bɔ, o fun ŋɔ ba, “Baal ti ŋmaha ti chi Koosa koor tire. Koosa zi wa duŋni mau a li o koor ti ni a bu nyɛ ba naa la tum tum were chiŋi ma bar chiŋi ni.” ((

Mat. 13:50

Ba zi wa kpa tum tagna tim tau a yo du din dam ti ni. Dooni ba zi wa wi kinkan a kise ba nyina.”

Mat. 13:42

Malaikasi ta zi kpa tum tagna tim tau a yo du din dam ti ni. Dooni ba zi wa wi kinkan.

Mat. 24:51

O kunyan ti zi wa na paanu kinkan. O zi kpa unu a gbaari ba naa ya nusun tim ni a ta un yɔri. Dooni o zi wa wiu kinkan a se o nyina.”

Juud 1:13

Ba chi chenani peha yaa wa mo ni chene ka ba tum tagna naa nyɛ ba na hiisa a chi ni fukla. Ba chi wula naa nyɛn buudaha ni a gba chene. Koosa zi kpa au a du birsi ni hali saha naa vɛ kpak bɔ.

2 Pita 2:17

Nibiksɛ nama chi bugul hulɛwa awa dobaala nawara vɛ kpak dooni. Koosa zi wa kpa bau a du birsa bar nyɛni naa o kpa chiŋsi ba kinkan, niu.

2 Pita 2:4

O funɛ kpa o malaikasa ba naa funɛ tum tum tagna, bɔnɛ a du din dam ni. Waa funɛ nyɛ ba kpa ba a ta birsa bar nyɛni ni hali saha naa Koosa wa wa di o di tɛɛnɛ nɔ tim maga sɛria.

Room 9:4

Ba waa ya Ju tim ta. Saha digi Koosa fun lisi ba di ba ya o bisa a biksi ba o kpok ti awa o chaani ti kinkan. O wa ba funɛ ya nɔ bɛgim. O gbanko fun kpa o chiksɛ naa nyɛ ba jɛɛmi un nɛnɛ awa o vɔwɛ a nyɛ ba.

Tuma 3:25

Vɔwɛ naa Koosa fun vɔu a nyɛ o witinsi ta kpa a a mɔɔli, awa chenani o wa ma nawaalsi ta fun ya nɔ bɛgim, a ya ma gbanko kinawa zinan. Ba funɛ sɔbiu a li Koosa sɛm tɔn ti ni di o ŋɔ Abraham ni, ‘Mu zi nyɛ i bi lulɛ kpa nyusumu a nyɛ tɛɛnɛ nɔ tim maga ni.’

Mat. 13:38

Ŋmaha ti ya tɛɛnɛ nɔ maga. Mɛ ta ka ya ba naa Koosa dɔ. Kɔsi ta ka ya ba naa sintan dɔ.

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.