Mat. 7:7 - Tampulma

⁷ “Ma sumi Koosa di o nyɛ ma kundɔŋ o zi nyɛ mau. Ma daŋni kundɔŋ, o wati ma zi na unu. Ma yir un o zi wa puk zɔɔnɔu ma zu o wati.

Mat. 7:7 Referans Kwoze

Mat. 21:22

Ma se su min nɛnɛ, ka ma sumi Koosa di o nyɛ ma kundɔŋ, o zi nyɛ mau.”

1 Jɔn 3:22

Ya sumi un kundɔŋ, o zi nyɛ yau, domi yaa tiŋ o nɔ sɛmwa a la tum tum naa la sɔɔni o tuha.

Jɔn 15:7

Ma wa min ya nibɛgim a nyɛn ka mu sɛm naa mu biksi ma nyɛn ma ni, ma zi kotiu a sumi Koosa kin naa ma daŋni o nyɛ ma.

Maak 11:24

Maa daŋni kundɔŋ aa sumi Koosa, ma sumi un wa se suuli. Ma sumi un wa se suuli, Koosa zi nyɛ mau.

Mat. 6:33

O lawa ma nyɛ chenani Koosa dɔ ma awa o tutɔ tiŋi te ma bambe ni. Maa lisi nan, o zi kpa kin naa maga ma daŋniu a nyɛ ma.

Mat. 7:8

Nara maga sumi Koosa di o nyɛ ba kundɔŋ, o zi nyɛ bau. Nara maga la daŋni kundɔŋ o wati, ba zi na au. Ba yir un, o zi wa puk zɔɔnɔu ba zu o wati.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Ju 11:6

Nibine si vɛ su Koosa, o wa zi sɔɔni Koosa tuha. Naa la daŋni o zim Koosa, o lawa o nyɛ o si su di o nyɛnu a wa bɔ ba naa dɛu un.

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Mat. 18:19

“Ma nyɛ mu sɛm ma gbaari ma nara balɛ lagmi a sumi kundɔŋ Koosa wati ka ma la nɔɔni chenani ma sumi chen, ma kunyan Koosa naa nyɛn o tɔha ti ni, zi kpa nyɛ mau.

Jems 5:15

Ba ya chen, ka ba se su di Koosa zi nyɛ wichɔɔrti tiina na alaafɛu, o zi na alaafɛu. Tum tagna naa o tum, Koosa zi gil a nyɛ unu.

Luk 18:1

Doone Yesu fun biksi ba jɛɛgi nɔ, chen ni ba zi sumi Koosa saha maga a ta bur gantɛl.

Mat. 7:11

Ma ya nibin tagna, amaa ma zim chenani ma zi kpa kiwere a nyɛ ma bisi ni. Ma kunyan Koosa naa nyɛn o tɔha ti ni, waa kaali ma a la kpa wu were a nyɛ ba naa la sumi un ni.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Room 3:11

Nandigi wa toli a nɛɛgi. Nandigi wara daŋni o dɛu Koosa.

Luk 13:25

Wuzu digi mu zi wa siu a far Koosa koor ti bulzɔɔnɔ ti. Ma zi wa chiŋi bulzɔɔnɔ ti gantɛl niu a yir, ‘Ya kunyana, puk bulzɔɔnɔ ti ka ya zu.’ Mu zi ŋɔ mau, ‘N wa zim doonani ma li.’