Mat. 4:23 - Tampulma

²³ A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Mat. 4:23 Referans Kwoze

Mat. 9:35

A saha tirɛ Yesu funɛ gba aa go tɔsa awa tɔ wisa. O fun a biksi nara tima Koosa koor laaboor weri ti wɛ a li ba bar lagmi dɛɛni ta ni. O gbanko funɛ tiibi wichɔɔrsa magau.

Maak 1:39

Ba fun si a gba a go Galili pulum a la ŋɔ nara ni Koosa wɛ ba bar lagmi dɛɛni ni, a la duŋni alizin tagna a li nara ni.

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Luk 7:22

Yesu fun ŋɔ ba naa Jɔn tum chen ni, “Ma bur kila gantɛl a la ŋɔ Jɔn ni chenani ma nu a na. Nyuluma bukoora nau, gbarigisa val, ka mu tiibi zaguma gbanko. Diŋgbiti tima gbanko nuu, ka n fun lɛli nara a li ba sou ni. Fara timnɛɛ mu gbanko fun sɛm Koosa laaboor weri ti a nyɛ.

Mat. 11:5

Nyuluma bukoora nau, gbarigisa val, ka muu tiibi zaguma gbanko. Diŋgbiti tima gbanko nuu ka mu fun lɛli nara a li ba sou ni. Fara tim nɛɛ mu gbanko fun sɛm Koosa laaboor weri ti a nyɛ.

Mat. 13:54

a bu kaali o sɛmbiri tɔha. Wuzu digi o fun la zu ba bar lagmi di a biksi nara Koosa wɛ. O fun ya ba naa nyɛn dooni alaazibu kinkan. Ba funɛ pɛɛsi dɔŋa, “Baal nɔ, leene o pu zima nɔ? Ka yɛrɛ o zi yaa ya aa tum o tum zene nama?

Maak 1:21

Ba fun wa tɔhɔn naa ba yir Kapɛrnaum. Ba hiisi wuzu ti funɛ wa tel, Yesu kaali a la zu ba bar lagmi dɛ a fun biksi ba Koosa wɛ.

Room 10:15

Koosa fu vɛ tum nandigi, anti fu zi koti a biksi nara tima o wɛ? Ma zim chenani ba fun sɔbi a li Koosa sɛm tɔn ti ni a ŋɔ, “Ba naa la gba a la mɔɔli Koosa laaboor weri ti, ba waali weru kinkan.”

Luk 8:1

Wuzu bile wuzu Yesu wa a gantɛl tiŋsa fidalɛ ta fun gba a zu tɔ damata awa tɔ wisa a biksi Koosa laaboor weri ti di o daŋni o dɔ narawa.

Maak 6:2

Ba funɛ nyɛn dooni, ba hiisi wuzu fun wa tel. O fun kaali a la zu ba bar lagmi dɛ a biksi nara Koosa wɛ. Nara kinkan funɛ nyɛn doon a nu o biksi ti. O ya ba alaazibu kinkan. Ba funɛ pɛɛsi dɔŋa, “Leene baal nɔ pu sɛm nama maga? Ka leene o vɛɛn pu zima nɔ? Ka yɛrɛ o zi yaa ya a tum o tum zene nama?

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Mat. 12:9

Yesu funɛ li dooni a la zu ba bar lagmi dɛ digi.

Jɔn 18:20

Yesu fun ŋɔ un, “Mu ha wa biksi nara tima a sogli. Mu ka yaa funɛ biksi ba gbampulim nɛɛ a li ba bar lagmi dɛɛni ta awa Koosa bar jɛɛmi dam ti nɛɛ. Doon ma nɛɛ Ju tim ta yaa lagmi.

Luk 13:10

Hiisi wuzu digi Yesu funɛ biksi narawa a li ba bar lagmi dɛ ni.

Luk 9:11

Zɛmɛ ta funɛ nu di ba kaalu, ba fun tiŋ ba kaali. Yesu fun la ba du a biksi ba Koosa koor ti wɛ a tiibi ba wichɔɔrsa.

Luk 5:17

Wuzu digi Yesu fun a biksi nara ka Koosa kpok nyɛn un ni o kpa un a tiibi wichɔɔrsa. Farisi tim ta awa Koosa chiksɛ nibiksɛ ba naa funɛ li Jɛrusalɛm awa tɔsi naa nyɛn Galili pulum awa Judia pulum ni, ba waa funɛ kani a nu o sɛma.

Maak 6:6

O fun jɛri Yesu kinkan. O fun si a kaali tɔ wisa naa nyɛn dooni chen, a biksi nara Koosa wɛ.

Maak 3:10

Yesu funɛ tiibi nara kinkan. Chendaha zɛmɛ ta funɛ zaksi dɔŋa di ba la gbaŋsi un.

Maak 1:14

A gantɛl nɛɛ koor Hɛrɔd fun nyɛ ba kpak Jɔn a tɔ un dɛ, Yesu fun si dooni a kaali Galili pulum a wa mɔɔli Koosa laaboor weri ti a nyɛ nara ni,

Tuma 20:25

“Mu wa ma funɛ nyɛn, mu funɛ biksi ma di saha naa Koosa kaa wa dɔ nara telu. Mu zimu di saha nɔ kpa la, ma wa zi bu na min.

Tuma 18:4

Pɔɔl yaa funɛ zu Ju tim ta bar lagmi dɛu ba wuzu hiise wuzu o wa ba awa ba naa vɛ ya Ju tima di amɔrɛ di o nyɛ ba se su o sɛma.

Jɔn 6:59

Yesu funɛ nyɛn Ju tim ta bar lagmi dɛ nɛɛ a li Kapɛrnaum ni a biksi ba sɛm na maga.

Luk 10:9

Ma tiibi ba wichɔɔrsa aa ŋɔ ba naa nyɛn dooni chen, ‘Saha ti telu di Koosa dɔ nara’.

Luk 6:17

Yesu wa o gantɛl tiŋsi ta fun li kuŋkule nyuhu ti a wa tu. Ba naa funɛ nyɛn o wati dooni funɛ iiu kinkan. Ba funɛ la tel tɛɛnɛ doonani mak dɔŋa, ba fun chem zɛmɛ kinkan a li Jɛrusalɛm awa Judia pulum maga ni awa tɔsi naa ba yir Taaya awa Saidɔn a naa funɛ nyɛn teku nɔ ni.

Mat. 14:14

Yesu funɛ wa li arŋ ti ni, o fun na zɛmɛ kinkan ka ba chiŋi dooni. Ba wɛ fun ya un siki ka o tiibi ba wichɔɔrsa.

Mat. 13:19

Kiduha naa funɛ chesi nyinbaan ti ni chen chi Koosa koor laaboor weri naa nibinsa nu a vɛ zim o mun. Sintana funɛ siu lalaga a wa yisi laaboor ti a li ba bambe ni.

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Jɔn 7:1

A gantɛl nɛɛ Yesu fun a gba Galili pulum aa go. O funɛ zimu di Ju tima ba naa nyɛn Judia pulum ni, dɛu nyinbaannɛ di ba kpu un. Chendaha o fun vɛ daŋni o bur la dooni.

Luk 20:1

Wuzu digi Yesu funɛ biksi nara Koosa laaboor weri ti wɛ a li o bar jɛɛmi dam ti ni chene, Koosa dam kɔkɔɔrsi ta, Koosa chiksɛ nibiksɛ ta awa Ju tim nihɛɛti ta fun wa lagmi a pɛɛsi un,

Luk 4:14

Yesu fun li dooni a bur kaali Galili pulum. O bur waali laaboora fun mɔɔli tɔsi naa nyɛn doon maga ni. Koosa siim weri ti kpok funɛ nyɛn un ni.

Luk 6:6

Hiisi wuzu digi funɛ bu wa tel, Yesu fun la zu ba bar lagmi dɛ di o biksi nara. Baal digi funɛ nyɛn doon. O nin fun sou.

Luk 7:21

A wuzu ti Yesu funɛ tiibi wichɔɔr damatau a duŋni alizin tagna a li ba bɔnɛ ni a nyɛ nyulum damata se lɛli ba na.

Luk 9:60

Yesu fun ŋɔ un, “Tiŋ min lalaknɔ a la biksi nara di Koosa daŋni o dɔ bau. Nyɛ ba naa vɛ tiŋ min sogli un.”

Luk 16:16

“Chiksɛ naa Koosa fun kpa nyɛ Mosis ni awa chenani Koosa witinsi ta fun sɔbi chen biksi ma chenani ma zi nyɛn, hali saha naa Jɔn fun wa a biksi ma di Koosa duglɛu wa o dɔ nara. Lalaknɔ nidamata se sɛrɛu di o dɔ ba.

Tuma 28:31

O fun kpak bambi a biksi ba di saha naa Koosa kaa wa dɔ nara chen telu awa ya kunyana Yesu Kristo wɛ. Nandigi wa fun to a tɔ un nyinbaan di o ta sɛmi.