Mat. 28:12 - Tampulma

¹² Koosa dam kɔkɔɔrsi ta awa Ju tim nihɛɛti ta fun wa lagmi dɔŋ ni a lisi chenani ba zi ya. Ba funɛ wa na dɔŋ peti, ba fun kpa malɛ damata a la nyɛ lanjimasa ta ni,

Mat. 28:12 Referans Kwoze

Tuma 5:40

Gameliel funɛ sɛm peti, ba maga fun la nɔɔni a nyɛ un. Ba fun ŋɔ ba ba kpa nitumɛ ta a zu a nyɛ Koosa bar jɛɛmi dam ti niilɛ ta tuksi ba wa vurmsi ni. Doone ba fun bukoo tɛ ba nin di ba ta bu kpa Yesu sɔn a sɛm nara ni a nyɛ ba kaali.

Jɔn 11:47

Doone Farisi tim ta fun yir Koosa dam kɔkɔɔrsi ta ba lagmi a na dɔŋa a zim chenani ba zi ya. Ba fun ŋɔ dɔŋ ni, “Baal nɔ tum tum zene kinkannɛ.

Mat. 12:14

Farisi tim ta fun li kaali aa daŋni nyinbaan chenani ba zi ya a kpu Yesu.

Mat. 28:11

Nihaan tima funɛ nyɛn nyinbaan ni aa la, lanjimasa ba naa funɛ il hugil ti bɔnɛ, fun a bur wa tɔhɔn tuha, a wa ŋɔ Koosa dam kɔkɔɔrsi ta kina maga yɛɛ.

Mat. 28:13

a ŋɔ ba, “Nara maga pɛɛsi ma chenani yɛɛ, ma ŋɔ ba di ma funɛ chɔ dore, ka baal ti gantɛl tiŋsi ta fun wa dusum a wa lisi un a li o hugil ti ni.