Mat. 27:42 - Tampulma

⁴² “Maa na. O laata fun yisi nara chen a vɛ koti a yisi o titii? O funɛ ŋɔ di o ya Ju tim koorrɛ. Ma nyɛ ya na o zi yisi o titi daakakli ti ni a tu wa tɛɛnɛ, chen ni ya se zi su unu.

Mat. 27:42 Referans Kwoze

Jɔn 1:49

Nataniɛl funɛ nu Yesu sɛma, o fun ŋɔ, “Mu kunyana, hin ya Koosa be. Hin vɛɛn ya Ju tim koora naa Koosa fun ŋɔ di o zi tumu ya wati.”

Mat. 27:37

Ba fun wa sɔbi o yaali a ŋɔ, “Yesu nɛɛnɛ. Waa ya Ju tim koora.” Ba fun kpa chenani ba sɔbi chen a mari o nyuha a li daakakli ti ni.

Tuma 4:14

Baal naa Pita awa Jɔn fun tiibi chen fun chiŋi ba naa funɛ lagmi dɔŋ ni, suwachak ni di ba na un. Chendaha ba fun moori a vɛ koti a sɛm wu digi.

Jɔn 12:47

Mu wa zi di ba naa maga nu mu sɛma a vɛ tiŋ a nɔ sɛria. Mu wa fun wa di mu wa di tɛɛnɛ nɔ tim maga sɛria. Mu ka funɛ wa di mu wa lisi ba a li ba tum tagni nɛɛ.

Jɔn 12:13

Ba kpa bone kpachaga a li di ba la chem un. Ba funɛ la o bar chemi chene a la chɛɛmi a ŋɔ, “Tabarkala. I waa naa Koosa tum di i ya ya koora, yaa zaami hinu kinkan.”

Jɔn 9:24

Farisi tim ta fun bu yir baal naa bu vɛ nyulumi chen a ŋɔ un, “Baal naa lɛlɛ i se chen ya tum tagna nitumirɛ. Ta nyɛ un jirima, amaa ka nyɛ Koosa wa jirima.”

Luk 19:38

“Koosa suŋi koor naa o tum ya wati nan, chen ni ya wa un zi bu ya nɔ bɛgimu. Ma nyɛ ya nyɛ Koosa jirima kinkan.”

Mat. 2:2

Ba fun pɛɛsi nara, “Leene ba fun lul be naa kaa wa ya Ju tim koora chen? Ya wau di ya wa jɛɛmi un, domi ya na o wulu ka o li nha bar yɛli aa wa.”

Mat. 27:40

“Hin funɛ ŋɔ di i zi chɔk Koosa bar jɛɛmi dam ti a bur sa un wuzu butora chen niuu? I sir ya Koosa bere, yisi i titi a tu wa daakakli ti ni ya na.”

Mat. 27:41

Koosa dam kɔkɔɔrsi ta awa Koosa chiksɛ nibiksɛ ta awa tɔhɔn nihɛɛti ta, ba gbanko funɛ mɔmsi un a la ŋɔ dɔŋ ni,

Maak 15:31

Koosa dam kɔkɔɔrsi ta awa Koosa chiksɛ nibiksɛ ta gbanko funɛ mɔmsi un a la ŋɔ dɔŋ ni, “Maa na. O laata fun yisi nara chen a vɛ koti a yisi o titii?

Maak 15:32

O funɛ ŋɔ di o ya Ju tim Kristo koorre. Ma nyɛ ya na o zi lisi o titi daakakli ti ni a tu wa tɛɛnɛ, chen ni ya se zi su unu.” Ŋmɛɛrsi naa ba fun kpaasi a gbaari un ni chen, gbanko funɛ pini unu.

Luk 23:35

Zɛmɛ ta maga fun chiŋi a go aa nyini. Ju tim nihɛɛta ba naa funɛ nyɛn zɛmɛ ta ni, mɔmsi un a ŋɔ dɔŋ ni, “O laata fun yisi nara chen. O ya Kristo naa Koosa fun lisi a nyɛ o titi ni chen, ma nyɛ o lisi o titi.”

Luk 23:37

a ŋɔ, “I ya Ju tim koora, yisi i titi.”