Mat. 26:51 - Tampulma

⁵¹ Yesu gantɛl tiŋsi ta nidigi fun foŋ a chise zen a kpa ŋmɛn Koosa dam kɔkɔɔrsi ta nihɛɛ yom digi diŋna.

Mat. 26:51 Referans Kwoze

2 Kɔr. 10:4

Ya wara nyini ya titi kpok se nee, amaa Koosa kpa o kpok ti a nyɛ ya, chen ni ya zi chiŋiu a du nibiksɛ ba naa vɛ nu Koosa laaboor weri ti, biksi ni,

Jɔn 18:36

Yesu fun ŋɔ un, “Mu koor ti wa to tɛɛnɛ nɔ maga ni. O fu nyɛnɛɛ, mu nara fu zi you a kok min, chen ni Ju tim ta wa zi kpak min. Mu bura ŋɔ hinu, mu koor ti wa to tɛɛnɛ nɔ maga ni.”

Maak 14:47

Yesu gantɛl tiŋsi ta nidigi fun foŋ o chise zen a kpa ŋmɛn Koosa dam kɔkɔɔrsi ta nihɛɛ yom digi diŋna.

Mat. 26:35

Pita fun ŋɔ kpok ni, “Aai, mu wa zi kut ŋɔ di n wa zim hin. Hali n wa hin zi sou, n wa zi ŋɔ chen.” O gantɛl tiŋsi ta maga fun ŋɔ chen.

Luk 9:55

Yesu fun burgi a zulimi ba a ŋɔ di ba si dooni.