Mat. 26:33 - Tampulma

³³ Doone Pita fun ŋɔ un, “Hali nara maga wa vɛ hin a ta, n waa wa zi gil hin.”

Mat. 26:33 Referans Kwoze

Luk 22:33

Pita fun ŋɔ un, “Mu kunyana, ba wa tɔ hin dɛ, nyɛ ba wa kpak mu gbanko a wa gbaari hin ni. Ba wa kpu hin, mu gbanko zi sou.”

Filip. Tima 2:3

Ma ta ya se tima a kidaŋni sɔna. Ma ta lisi di ma ya nibin werewa a kaali ma dɔŋtima. Ma ka ya jɛrgɛ tima.

Room 12:10

Ma wa ma dɔŋtima ya nibɛgimnɛ Kristo daha. Chendaha maa daŋni dɔŋa nɛnɛ aa kpak un ma bambe ni di ma nyɛ dɔŋa wa jirima.

Maak 14:29

Doone Pita fun ŋɔ un, “Hali nara maga wa vɛ hin a ta, n waa wa zi gil hin.”

Jɔn 21:15

Ba funɛ wa se peti, Yesu fun pɛɛsi Simɔn Pita, “Simɔn, Jonas be, hin la daŋni min a kaali i dɔŋtim taa?” Pita fun ŋɔ un, “Mu kunyana, i zimu di muu daŋni hinu a kaali ba.” Yesu fun ŋɔ un, “Kidɛɛsi ba naa la tiŋ min a chi chenani piisi gbaŋna dɛɛsi o piisi bisa.”

Mat. 26:32

Amaa mu wa si n sou ni, n zi wa te ma suwachaku a la Galili.”

Mat. 26:34

Yesu fun ŋɔ, “Nyɛ n ŋɔ hin. Dusum nɔ i zi te tɔ butorau di i wa min wa zim dɔŋa, ka zimal zi yeli.”