Mat. 26:13 - Tampulma

¹³ Mu ŋɔ ma wutirɛ, doonani maga ba zi wa biksi Koosa laaboor weri ti, ba zi wa sɛm nihaan nɔ wɛu awa chenani o fun a tum nyɛ minu. O sɔn zi wa chɔu aa la.”

Mat. 26:13 Referans Kwoze

Maak 14:9

N ŋɔ ma wutirɛ, doonani maga ba zi wa biksi Koosa laaboor weri ti, ba zi wa sɛm nihaan nɔ wɛu awa chenani o fun a tum nyɛ min. O sɔn zi wa chɔu aa la.”

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Ju 6:10

O ya wuti tiinnɛ. O wa zi sugli ma tum were naa ma fun tum a nyɛ un awa chenani ma fun biksi di ma daŋni unu a li ma dɔŋtima suŋi ni. Hali ma ha vɛɛna suŋi ba chene.

JɔnN Deesi 14:6

Doone mu fun nyini a na ka malaika funɛ za buudaha bar boli ni. O fun chuŋi Koosa laaboor weri ti di o la nyɛ pulumsa awa buure ba naa maga la sɛm sɛm kurgɛ a nyɛn tɛɛnɛ nɔ ni.

1 Tim. 2:6

Kristo funɛ sou ya daharɛ, chen ni o zi kotiu a la nibinsa nyuuna a nyɛ ba. Saha nɔwa Koosa fun lisi di ya la biksi nara kin nama wɛ.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

2 Kɔr. 10:18

Ma pi ma titi, chen wa deŋli. Ya kunyan ti ka pi ma, chen deŋlee kinkan.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

Room 10:18

Amaa ma nyɛ mu pɛɛsi ma, Ju tim ta nu Koosa wɛuu? Ba funɛ nuu. Ba funɛ sɔbi a li Koosa sɛm tɔn ti ni a ŋɔ, “Laaboor ti funɛ pisi tɛɛnɛ nɔ maga ni. Nara funɛ nu o wɛu bawu maga ni.”

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Maak 16:15

O funɛ nyɛn ba wati chene, o fun ŋɔ ba, “Ma si aa la tɔsa naa maga nyɛn tɛɛnɛ nɔ ni a la sɛm Koosa laaboor weri ti a nyɛ nara maga ni.

Maak 13:10

Tɛɛnɛ nɔ maga nara zi wa te nu Koosa laaboor weri wɛu ka kin naa maga zi ya.

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Tuma 10:4

Kɔnilius fun kpa o se a zɔŋ un ni. Hansura kpak un a li o nyini ti ni. O fun ŋɔ un, “Mu kunyana, baŋnɛ i daŋni mu suŋi hin?” Malaika ti fun bu ŋɔ un, “Chenani ii sumi Koosa a la suŋi fara tim ta chen sɔɔnɛ o tuha. Chendaha o fun tum min i wati.