Mat. 24:9 - Tampulma

⁹ “Saha naa kina maga wa kaa ya, ba zi wa kpa ma a du ba naa la namsi nara nisa niu ba kpu ma. Nara maga zi wa ha mau, domi maa tiŋ min daha.

Mat. 24:9 Referans Kwoze

Jɔn 16:2

Ju tim ta zi wa duŋni mau a li ba bar lagmi dɛɛni ta ni. Hali saha zi wa wau, ba naa kpu ma lisi di ba tiŋ Koosa tutɔrɛ.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

Luk 21:12

Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.

JɔnN Deesi 7:14

Mu fun ŋɔ un, “Mu wa zim ba, ŋɔ min.” O fun ŋɔ min, “Ba fun val a wa li namsi kinkan saha a kpa piisi be ti chɛl a chaksi ba kilaarɛ di a ta kpak doŋa.

1 Pita 4:16

Amaa ma ya Yesu Kristo nitiŋɛ. Maa ka saksi ma namsi o daha a ta nyɛ hiisa kpak ma. Maa zaami Koosa di maa tiŋ Kristore.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

Tuma 7:59

Ba funɛ yaksi un chene, Stivin fun sumi ya kunyan ti a ŋɔ, “Mu kunyana Yesu, la mu siima.”

Luk 11:49

Koosa naa ya zima tiina fun ŋɔ saha digi di o zi wa tum o witinsi ta awa o nitumɛ ta Ju tim watiu. O funɛ zimu di Ju tim ta zi wa kpu ba bɔnɛu a namsi ba bɔnɛ.

Mat. 23:34

Adaha mu ŋɔ mau, n zi wa tum witinsa awa nibin nɛɛgɛ awa nibiksɛ ba wa ma watiu. Ma zi kpaasi ba bɔnɛu a marigi daakaklɛ niu a kpu ba. Ma ka zi wa tuk ba bɔnɛ awa vurmsi niu a li ma bar lagmi dɛɛni ta ni a duŋni ba a li ma tɔsi ni.

Tuma 28:22

Ya zimu di ba naa nyɛn bawu maga ni ka ba sɛm sɛm tagna a du ba naa wa hin la tum tum ni. Chendaha ya daŋni ya nu chenani i lisi.”

Mat. 22:6

Ba naa funɛ ka chen, fun kpaksi koor ti tumtumsi ta kpok ni a tuksi ba hali ba wa siti.

Jɔn 15:18

“Mu tiŋi nyɛ tɛɛnɛ nɔ tim maga ha ma, ma lisi di minnɛ ba te ha.

Jɔn 15:21

Ba zi wa muksi mau a chi chen, domi ba wa zim naa funɛ tum min chen. Maa tiŋ min daha, ba gbanko ya ma chen.