Mat. 24:42 - Tampulma

⁴² Ma wa zim a wuzu naa ma kunyana zi wa bur wa. Adaha maa il nɛnɛ.

Mat. 24:42 Referans Kwoze

Luk 21:36

Ma doso a kiil saha maga. Maa sumi Koosa di o nyɛ ma o kpok ma di namsi naa kaa wa chen a wa chiŋi n waa nibine be suwachak ni.”

1 Tɛs. 5:6

O wa werwa ya chɔ do a chi ba naa vɛ zim Yesu la chɔ do chen. Ma nyɛ ya si a si chiŋi a ta zɔɔli a chi ba naa nyɔ sin aa dɛɛsi.

Mat. 25:13

Yesu funɛ sɛm peti, o fun ŋɔ o gantɛl tiŋsi ta ni, “Maa saksi. Ma wa zim saha naa mu kaa bur wa.”

JɔnN Deesi 16:15

Maa nu chenani ya kunyana ŋɔ ma. O ŋɔ, “Mu zi bur wau ka ma vɛ zim mu wɛ a chi ŋmɛɛr. Chenani Koosa bu vɛ na ma galimsa chi ma gatiwa. Ma doso a kilaari a saha maga, chen ni mu wa wa, ma wa zi kpak bar kpal a chiŋi ma na hiisa nara suwachak ni.”

1 Kɔr. 16:13

Ma se su Yesu. Chendaha ma il a kpak ma titi nɛnɛ awa bambi kpok ni.

Mat. 24:36

“Nandigi wa zim saha naa n waa nibine be waali ti wuzu. Hali mu wa Koosa malaikasi ta gbanko wa zim. Mu kunyana Koosa duŋduŋ zimɛɛ.

Room 13:11

Ma zimu di tɛɛne nɔ maga siili saha duglɛu. Chendaha maa kpak un ma bambe ni aa tiŋ chen. Saha naa Koosa zi wa yisi ya a li ya tum tagna ni hali a wa peti duglɛu a kaali saha naa ya se fun te su Yesu.

Mat. 24:44

Ma wa zi wa lisi di mu waa nibine be zi bur wau, ka mu bur wa. Adaha o lawa maa saksiu saha maga.”

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

Mat. 24:43

Ma nyɛ mu ŋɔ ma nan. Dam tiin zim a saha naa ŋmɛɛr zi wa wa a zu o dama, o wa zi chɔ do a kpak un.

Mat. 25:10

Nihabichɛl womni ta fun li a kaali a la yau. Ba funɛ kaali chen, haan fali baal ti fun wa. Nihabichɛl nɛɛgɛ ba naa funɛ saksi awa ba nu ti ni, ba wa un fun la zu o dama di ba la di diwe. Ba funɛ la zu, ba tɔ bulzɔɔnɔ.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.