Mat. 24:4 - Tampulma

⁴ Yesu fun ŋɔ ba, “Ma doso ma ta nyɛ nandigi wa mur ma.

Mat. 24:4 Referans Kwoze

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

2 Tɛs. 2:3

Ma fiɛŋ ma nyɛ nara kimur ma, domi tum tagna tiina la zi wa te a wa. Tɛɛnɛ nɔ tima ba naa vɛ zim Koosa hali a wuzu ti, zi wa siu aa tiŋ tum tagna tiin ti. O saha wa peti, Koosa zi kpa unu a du din dam ni.

Kɔl. 2:8

Biksi bɔnɛ nyɛn doon ba yir zima. Nara bɔnɛ biksi a, amaa a ya yɔrirɛ. O ya nibinsa zimarɛ ba la alizin tagna wati. Adaha ma ta nyɛ ba wa kpak ma a muri. A nama wa li Kristo wati.

Ɛfɛ. 5:6

Ma ta nu nara womsi sɛma a nyɛ ba mur ma. Ba wara tiŋ Koosa nɔ. Chendaha o na paan a du ba ni a zi wa lɛrgi ba diŋsa.

Maak 13:22

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Luk 21:8

Yesu fun ŋɔ ba, “Ma doso ma ta wa nyɛ nandigi wa mur ma. Nidamata zi wa wau a kpa mu sɔn a yir ba titi a ŋɔ di ba ya minnɛ. Ba gbanko zi wa ŋɔ mau di saha ti telu. Ma fiɛŋ ma wa tiŋ ba.

Kɔl. 2:18

Ma ta nyɛ nandigi wa ŋɔ di o lawa maa tiŋ a chi chenani oo tiŋu, chen ni ma wa zi wa na papaha naa Koosa kaa wa kpa nyɛ ma. O ŋɔ di ma ya nibin jɛɛgɛ a kinyɛ malaikasa jirima. O na kinawa a chi o deesi. Chendaha o ŋɔ di o zimu a kaali ma. O yir o titi nibin zen, amaa oo tiŋ chenani o gantɛl tuha kina wɛ durɛ.

Gal. 6:3

Nar lisee di o ya nibin zenne a vɛ yaali, o mur o titirɛ.