Mat. 23:23 - Tampulma

²³ “Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma nyɛ ya lisi kin nawara ma kpa du ma disa ni a lɛm. Koosa chiksɛ ta biksɛɛ di ma lisi kibɛgim a li kin fi ni a nyɛ Koosa ni. Ma tiŋ au ka chen wer. Koosa chiksɛ ta gbanko biksi di maa tum tum werewa a kpak nara siki aa ya wuti tima. Kin nama ya wu birigi a kaali suwachak kin tima kinkan, amaa ma wara tum a.

Mat. 23:23 Referans Kwoze

Luk 11:42

“Ma Farisi tim ta, yɛrɛ o kaa wa du ma ni? Ma nyɛ ya lisi kin nawara ma kpa du ma disa ni a lɛm. Koosa chiksɛ ta biksɛɛ di ma lisi kibɛgim a li kin fi ni a nyɛ Koosa ni. Ma tiŋ au ka chen wer. Koosa chiksɛ ta gbanko biksi di maa tum tum werewa a nyɛ nara ni a kidaŋni Koosa. Kin nama ya wu birigi a kaali suwachak kin tima kinkan, amaa ma wara tum a.

Mat. 9:13

Ba funɛ sɔbiu a li Koosa sɛm tɔn ti ni saha digi di o ŋɔ, ‘Chenani ma kpak dɔŋa wa siki ya min lɛmlɛmu a kaali chenani ma kɔɔrigi kina a nyɛ min papaha nau.’ Maa la a la dɛu chenani Koosa ŋɔ ma chen mun. N wa wa di n wa yir ba naa nara yir ba nibin were. Ba naa nara yir nibin tagna daharɛ, mu wa.”

Luk 18:12

N yaa vɔu nɔ bilɛwa wuzu bunɔpɛ tuhu ni, aa lisi kin nawara maga n la chen fi a nyɛ hin.’

Mat. 12:7

Ba funɛ sɔbi a li Koosa sɛm tɔn ti ni di o ŋɔ, ‘Chenani ma kpak dɔŋa wa siki ya min lɛmlɛmu a kaali chenani ma kɔɔrigi kina a nyɛ min papaha nan.’ Ma zim sɛm na mun, ma wa zi di ba naa vɛ tum galimsa sɛria a ŋɔ di ba chelu.

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((