Mat. 23:13 - Tampulma

¹³ “Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Mat. 23:13 Referans Kwoze

Luk 11:52

“Ma Koosa chiksɛ nibiksɛ ta, yɛrɛ o kaa wa du ma ni? Chenani maa biksi nara chi ma tɔ chenani ba zim di Koosa kaa wa yisi ba tum tagniwa. Ma titi wara daŋni Koosa yisi ma tum tagna a ta. Ma gbanko daŋni ma tɔ ba naa la wa Koosa wati nyinbaannɛ.”

Mat. 23:29

“Ma Koosa chiksɛ nibiksɛ ta awa Farisi tim ta, yɛrɛ o kaa wa du ma ni? Ma ya nusun timwa. Ma fun kɔɔri Koosa witinsa awa nibin were, ba naa funɛ siti saha digi, hugilsa a wer.

Mat. 23:27

“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma chi hugilsa a naa bara weree ka hoga awa birsa su a tusiwa.

Mat. 23:23

“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma nyɛ ya lisi kin nawara ma kpa du ma disa ni a lɛm. Koosa chiksɛ ta biksɛɛ di ma lisi kibɛgim a li kin fi ni a nyɛ Koosa ni. Ma tiŋ au ka chen wer. Koosa chiksɛ ta gbanko biksi di maa tum tum werewa a kpak nara siki aa ya wuti tima. Kin nama ya wu birigi a kaali suwachak kin tima kinkan, amaa ma wara tum a.

Tuma 8:1

Sɔɔl funɛ daŋni o sou. Saha ti kpa la, Ju tim ta fun nyɛ Yesu nitiŋɛ ba naa nyɛn Jɛrusalɛm ni, na namsi kinkan. Ba maga fun pisi a su Judia pulum awa Samaria pulum. Nitumɛ ta duŋduŋ funɛ ka a nyɛn Jɛrusalɛm ni.

2 Tim. 4:15

Doso kinyini un, domi ya funɛ nyɛn dooni, o yaa fun vɛ ya biksiu wa kpok ni.

2 Tim. 3:8

Nibiksɛ nama burgi ba gantɛlwa a chak Koosa wuti ti a chi nara balɛ naa ba funɛ yir Janis awa Jambrɛs, burgi ba gantɛlwa a chak Mosis saha digi. Nibiksɛ nama ya lise tagin timwa a nyuksi Koosa nyinbaan.

Tuma 13:8

Bayesu sɔn digi funɛ ya Ɛlimas a li Girik tima sɛm ni. O funɛ nu nara balɛ ta ka ba biksi Koosa laaboor weri ti a nyɛ gɔbnati nyuhu tiin ti ni, o fun kpaŋi o titi di o lisi un a li o se suuli ti ni.

Tuma 5:40

Gameliel funɛ sɛm peti, ba maga fun la nɔɔni a nyɛ un. Ba fun ŋɔ ba ba kpa nitumɛ ta a zu a nyɛ Koosa bar jɛɛmi dam ti niilɛ ta tuksi ba wa vurmsi ni. Doone ba fun bukoo tɛ ba nin di ba ta bu kpa Yesu sɔn a sɛm nara ni a nyɛ ba kaali.

Tuma 5:28

“Ya wa fun tɛ ma nin di ma ta kpa Yesu sɔn a biksi nara timaa? Ma nyini na chenani ma ya. Ma mɔɔli o biksi tiu a li Jɛrusalɛm maga ni a la daŋni ya dɔ o sou.”

Jɔn 9:34

Ba fun ŋɔ un, “Ba funɛ lul hin di i yaa kitum tum tagniwa. I kpa i nyuhurɛ a mo yaa?” Ba fun zaksi un a li ba bar jɛɛmi dɛ ti ni a ta.

Jɔn 9:24

Farisi tim ta fun bu yir baal naa bu vɛ nyulumi chen a ŋɔ un, “Baal naa lɛlɛ i se chen ya tum tagna nitumirɛ. Ta nyɛ un jirima, amaa ka nyɛ Koosa wa jirima.”

Jɔn 9:22

Ba funɛ sɛm chene, domi hansura funɛ kpak ba Farisi tim ta daha. Ba funɛ piin ŋɔ di nandigi la nɔɔni di Yesu ya naa Koosa fun vɔu di o zi tumu wuzu digi chen, ba wa zi nyɛ ba bu jɛɛmi Koosa a li ba bar lagmi dɛ ni.

Mat. 23:25

“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma daŋni ma di diwe, ma doso a sisi ma gbakmisa awa ma kurwasa, amaa ma tusa yaa kpak doŋau. Ma kpa kpoku a fuksi kina nara wati a ya se tima.

Mat. 3:7

Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Mat. 23:16

“Ma naa te nara suwachak a vɛ na nyinbaan. Yɛrɛ o kaa wa du ma ni? Ma waa la biksi ba di nar hɛɛsɛ Koosa bar jɛɛmi dam ti, o kikpak o vɔwi koo o wa kikpak un. Amaa o ka hɛɛsɛ salma malɛ naa nyɛn Koosa bar jɛɛmi dam ti ni, o lawa o kpak unu.