Mat. 21:26 - Tampulma

²⁶ Bɔnɛ fun ŋɔ di, “Ya ka wa kiŋɔ di nibinsa funɛ nyɛ un chen kpok ti, zɛmɛ ta zi na paanu a du ya ni, domi ba funɛ yir Jɔn Koosa witiinne.”

Mat. 21:26 Referans Kwoze

Maak 6:20

Hɛrɔd funɛ ɔm Jɔnu a la nyɛ un jirima, domi o funɛ zim di Jɔn ya nibin werere. Adaha o fun vɛ la nɔɔni di ba kpu un. Hali Jɔn sɛm ta fun muksi un kinkan, amaa o ha funɛ vɛɛn a daŋni o nu o sɛm tau.

Jɔn 5:35

Jɔn funɛ chi fitin chaanirɛ ka ma tusa fun sɔɔni di ma kani o mun ni tama.

Mat. 21:46

Ba funɛ daŋni ba kpak un, amaa zɛmɛ ta daha hansura fun kpak ba. Zɛmɛ ta yaa lisi di Yesu ya Koosa witinsi ta digirɛ.

Mat. 14:5

Hɛrɔd funɛ daŋni o kpu un, amaa Ju tim tawa o funɛ ɔm. Ba funɛ lisi di o ya Koosa witinsi ta digirɛ.

Mat. 11:9

Ma funɛ li di ma na Koosa witinsi ta digirɛɛ? Mu funɛ ŋɔ mau di ma na nibine naa kaali Koosa witinsi ta magau.

Tuma 5:26

Koosa bar jɛɛmi dam niilɛ ta awa ba nihɛɛ ti fun kaali dooni lalaga a la kpa ba bur wa. Ba fun la kpa ba awa jirima ni a wa, domi hansura fun kpak ba di nara tima zi yaksi ba wa buŋkuli niu.

Jɔn 9:22

Ba funɛ sɛm chene, domi hansura funɛ kpak ba Farisi tim ta daha. Ba funɛ piin ŋɔ di nandigi la nɔɔni di Yesu ya naa Koosa fun vɔu di o zi tumu wuzu digi chen, ba wa zi nyɛ ba bu jɛɛmi Koosa a li ba bar lagmi dɛ ni.

Luk 22:2

Koosa dam kɔkɔɔrsi ta awa Koosa chiksɛ nibiksɛ ta funɛ dɛu nyinbaan di ba kpu Yesu, amaa ba wa funɛ daŋni ba kpak un zɛmɛ ta se ni.

Luk 20:19

Koosa chiksɛ nibiksɛ ta awa Koosa dam kɔkɔɔrsa ta funɛ zimu di Yesu funɛ jɛɛgi jɛɛgi nɔu a nyɛ ba. Ba funɛ daŋni ba vaan kpak un, amaa ba funɛ ɔm nara timawa.

Luk 20:6

Bɔnɛ fun ŋɔ, “Ya ka wa kiŋɔ di nibinsa funɛ nyɛ un chen kpok ti, zɛmɛ ta zi yaksi yau wa buŋkul ni, domi ba yir Jɔn Koosa witiinne.”

Maak 12:12

Yesu funɛ wa sɛm a nama maga a peti, o dɔma fun zim di ba warɛ o kpa lagmi dɔŋ ni a nyini a la jɛɛgi jɛɛgɛ. Ba fun a daŋni ba kpak un, amaa zɛmɛ ta daha hansura fun kpak ba. Ba gil un a kaali.

Maak 11:32

Bɔnɛ fun ŋɔ, “Ya ka wa kiŋɔ di nibinsa funɛ nyɛ un chen kpok ti, zɛmɛ ta zi na paanu a du ya ni, domi ba yir Jɔn Koosa witiinne.”

Mat. 21:11

Zɛmɛ ta bɔnɛ ba naa wa Yesu zu tɔhɔn ti, fun ŋɔ ba, “Koosa witiina Yesure. O li Nazarɛt naa nyɛn Galili pulum ni chene.”

Mat. 21:25

“Tɔ. Jɔn naa funɛ chaksi nara wa ni ni chen, Koosa funɛ nyɛ un chen kpok ti akoo nibinsiwaa?” O funɛ pɛɛsi ba chene, ba di dɔŋa amɔrɛ a ŋɔ, “Ya ŋɔ di Koosa funɛ nyɛ un chen kpok ti, o zi burgi a pɛɛsi yau, yɛrɛ ya se fun vɛ su un?”

Mat. 21:27

Ba fun ŋɔ Yesu ni, “Ya wa zim.” Yesu ka fun a ŋɔ ba, “N gbanko wa zi biksi ma naa nyɛ min kpok ti muu tum kin naa maga chenu.”