Mat. 21:23 - Tampulma

²³ Ba fun a bur wa Jɛrusalɛm a la zu Koosa bar jɛɛmi dam ti. Yesu funɛ biksi nara chene, Koosa dam kɔkɔɔrsi ta awa Ju tim nihɛɛti ta fun wa lagmi a pɛɛsi un, “Anti kpa kpok nɔ a nyɛ hin i koti aa tum tum na nan? Anti nyɛ hin nyinbaan di i val aa kiya nan?”

Mat. 21:23 Referans Kwoze

Tuma 4:7

Ba fun nyɛ Pita awa Jɔn wa chiŋi ba suwachak ni a pɛɛsi ba, “Anti nyɛ ma kpok nɔ ma tiibi gbarigi ti o val nan? Anti nyɛ ma nyinbaan ma tum chen ni?”

Luk 19:47

O funɛ duŋni ba peti, o fun biksi nara dooni wuzu bilɛ. Koosa dam kɔkɔɔrsi ta, Koosa chiksɛ nibiksɛ ta awa Ju tim nihɛɛti ta funɛ daŋni ba wa kpu un,

Mat. 26:55

Yesu fun burgi a ŋɔ zɛmɛ ta ni, “Mu ya ŋmɛɛrrɛ ma kpa chise zene awa daasa di ma wa kpak minn? N yaa fun kaniu a biksi ma a li Koosa bar jɛɛmi dam ti ni ka ma vɛ wa kpak min.

Tuma 7:27

Naa funɛ te mo o dɔŋtiin ti chen bum yo a zak Mosis a ta a ŋɔ un, ‘I wa dɔ ya a kpak nyinbaan di i di ya sɛria.

Mat. 21:24

Yesu fun ŋɔ ba, “N gbanko kpak pɛɛsiu a zi pɛɛsi ma. N pɛɛsi ma ka ma koti a ŋɔ min o mun, n gbanko zi biksi ma naa nyɛ kin kpak ti muu tum kin maa maga chenu.

Mat. 24:1

Yesu funɛ wa si dooni a li Koosa bar jɛɛmi dam ti ni, o gantɛl tiŋsi ta fun yir un di o wa nyini Koosa bar jɛɛmi dam ti dɛɛna.

Luk 20:1

Wuzu digi Yesu funɛ biksi nara Koosa laaboor weri ti wɛ a li o bar jɛɛmi dam ti ni chene, Koosa dam kɔkɔɔrsi ta, Koosa chiksɛ nibiksɛ ta awa Ju tim nihɛɛti ta fun wa lagmi a pɛɛsi un,

Mat. 20:4

O fun ŋɔ ba, ‘Ma la mu ŋmaha a la par. N zi bɔ ma chenani deŋliu.’ Ba fun kaali.