Mat. 19:13 - Tampulma

¹³ Nara fun a kpa ba bisa a wa Yesu wati di o kpa o nisa a gbaŋsi ba a sumi Koosa a du ba ni. O gantɛl tiŋsi ta fun a nyiigi ba.

Mat. 19:13 Referans Kwoze

Tuma 2:39

Chenani Koosa fun vɔu di o kpa a siim weri ti a du ya ni, o funɛ vɔu di o kpa nyɛ ma awa ma bisa wa ba naa nyɛn bar bole ni. Ba naa maga ya kunyan Koosa fun lisi a nyɛ o titi ni, o zi kpa unu a du ba bambe ni.”

1 Kɔr. 7:14

Nibaal naa vɛ ya Yesu nitiŋi a kpak haan naa la tiŋ Yesu, Koosa zi suŋi unu, domi o wa o haan ti ya nibɛgimnɛ. Nihaan naa gbanko vɛ tiŋ Yesu ka o baal ya Yesu nitiŋi, Koosa zi suŋi o haan tiu domi o wa o baal ti ya nibɛgimnɛ. O fu vɛ ya chen, Koosa fu wa zi suŋi ba bisa. Amaa ba nibɛgim ya Yesu nitiŋi daha, Koosa zi suŋi ba bisau.

Mat. 20:31

Ba naa funɛ nyɛn dooni chen, tɛsi di ba gil chɛɛma, amaa ba fun vɛ a tɛsi kinkan a kaali chenani ba fa te tɛsi chen, a yir un a ŋɔ, “Hin koor Devid bi luli, ɔm ya siki a suŋi ya.”

Mat. 16:22

Pita fun yir un a li cheŋcheŋa a galimi un a ŋɔ, “Koosa suŋi hin chen ta wa ya hin.”

Mat. 19:12

Ba lul nibaal bɔnɛu ba si a vɛ koti a luli. Ba chɛrgi bɔnɛ di ba ya namugilsa. Ba naa Koosa dɔ bɔnɛ ka wa kpa haanasa o koor ti daha. Ba naa koti a tiŋ mu biksi nɔ, ma nyɛ ba tiŋ un.”