Mat. 14:6 - Tampulma

⁶ Hɛrɔd bun luli wuzu funɛ wa tel, o fun a yir nidamata di ba wa di o luli wuzu diwe. Ba funɛ wa di chene. Hɛrɔdias nihabichɛla fun wa zu dɛ naa ba di diwe ta chen a gɔ a du ba. O gɔɔli ti fun ya Hɛrɔd lɛmlɛm.

Mat. 14:6 Referans Kwoze

Maak 6:17

Hɛrɔd fun a kpa o niinbe Filip haan. O haan ti sɔn funɛ ya Hɛrɔdias.

Mat. 22:24

Ba fun ŋɔ un, “Ya nawaalsa nihɛɛ, Mosis, funɛ biksi ya a li Koosa sɛm tɔn ti ni, nandigi kpa haan ka o wa o haan ti vɛ luli ka o sou, ya nyɛ o niinbe kpa o maan ti haan ti a lul bisa a nyɛ o maan ti ni, chen ni o sɔn wa zi sou.

Luk 3:19

Koor Hɛrɔd fun kpa o niinbe haan naa ba yir Hɛrɔdias, a la tum tum tagna kinkan. Chendaha Jɔn fun a galimi un.

Maak 6:19

Doone Hɛrɔdias fun a ha Jɔn a daŋ o kpu un.

Mat. 14:3

Hɛrɔd fun a kpa o titi niinbe Filip haan. O haan ti sɔn funɛ ya Hɛrɔdias.

Mat. 14:7

O fun hɛɛsi a ŋɔ un, “Kin naa maga ii daŋni, ŋɔ min, n zi nyɛ hinu.”

Maak 6:14

Nara tim maga fun a sɛm Yesu wɛ. Bɔnɛ fun ŋɔ di Jɔn, naa funɛ chaksi nara chen si o sou niu. Chendaha o koti a tum tum zene.

Maak 8:15

Yesu fun ŋɔ ba, “Ma kpak ma titi nɛnɛ aa kidoso Farisi tim ta awa Hɛrɔd luri naa ba kpa a du boroboro ni.”

Luk 3:1

Jɔn naa funɛ ya Zɛkaraya be, funɛ la zu nyabaan di o biksi nara Koosa wɛ, kaŋkoor zen naa ba funɛ yir Tibɛrias, funɛ kani o kor ni bun fidanyuunwa. Baal naa funɛ dɔ Galili pulum, chen sɔn funɛ ya Hɛrɔd. O niinbe, naa ba funɛ yir Filip chen, ka fun dɔ Ituria pulum awa Trakɔnaitis pulum. Baal naa funɛ dɔ Abilini pulum, chen sɔn funɛ ya Lisanias.

Luk 13:31

Chen saha ti Farisi tim ta bɔnɛ funɛ wa ŋɔ Yesu ni, “Hɛrɔd daŋni o kpu hinu. Si bar nɔ a la.”

Luk 23:7

Ba fun ŋɔ, “O ya Galili tim baallɛ.” Hɛrɔd funɛ ya Galili tim koora a fun gba la Jɛrusalɛm chen saha ti. Pailɔt funɛ nu di Yesu li o pulum nɛ, o fun ŋɔ o lanjimasi ta ni di ba kpa un a la Hɛrɔd wati.

Luk 23:11

Hɛrɔd awa o lanjimasa fun a mɔmsi Yesu a la pini o zoma a kpa gar weri a laari un. Ba funɛ ya chen peti, ba kpa un a bur kaali Pailɔt wati.

Tuma 4:27

Chen vɛɛna, Hɛrɔd awa Pontius Pailɔt wa Ju tim ta wa ba naa vɛ ya Ju tima fun lagmi dɔŋ ni a go i be Yesu ni. I funɛ lisi un di o ya i tumtumna awa naa i fun ŋɔ di i zi wa tumu wuzu digi.

Tuma 12:1

Chen saha ti koor Hɛrɔd funɛ namsi Yesu nitiŋɛ ta bɔnɛ.