Mat. 13:57 - Tampulma

⁵⁷ Ba funɛ zim unu. Chendaha ba wa un wa fun lɛm dɔŋ ni. Yesu fun ŋɔ ba, “Nara maga nyɛ Koosa witiina jirimau, amaa o sɛmbiri tɔhɔn nara wa o dam walɛ, ba waa vɛ nyɛ un jirima.”

Mat. 13:57 Referans Kwoze

Jɔn 4:44

O titi yaa ŋɔ nara niu di Koosa witinsi ta digi sɛmbiri nara wara nyɛ un jirima.

Mat. 11:6

Ba naa vɛ beeli mu wɛ, ba tusa sɔɔnɛu.”

Luk 4:24

Ma nyɛ mu ŋɔ ma di Koosa witiina tɔhɔn walɛ wara zaami un.

Jɔn 6:61

Yesu funɛ zimu di ba lɔ o gantɛllɛ, o fun pɛɛsi ba, “Mu biksi ti daŋni o bur ma gantɛllɛɛ?

Jɔn 6:42

Ba fun ŋɔ dɔŋ ni, “Baal nɔ, laata ya Yesu, Josɛf be ti, chenn? O nyana awa o niina laata ya zim chenn? Ka yɛrɛ o sɛm di o funɛ li Koosa tɔhɔn tirɛ?”

Luk 7:23

Ba naa vɛ beeli mu wɛ, ba tusa sɔɔnɛu.”

Maak 6:14

Nara tim maga fun a sɛm Yesu wɛ. Bɔnɛ fun ŋɔ di Jɔn, naa funɛ chaksi nara chen si o sou niu. Chendaha o koti a tum tum zene.

Maak 6:3

O laata funɛ ya bugilsal a nyɛn bar nɔ ni chenn? O niina laata ya Mɛri chenn? Jems, Josɛf, Judas awa Simɔn laata ya o niinbisa chenn? Ya wa o toosa laata lagmi nyɛnn?” Ba wa un wa fun lɛm dɔŋ ni, domi ba funɛ zim unu.

Mat. 13:58

Ba se wa fun su un tɔhɔn ti ni. Chendaha o wa fun koti a tum tum zene maga doon ni.

Maak 6:1

Yesu fun a li dooni a bu kaali o sɛmbiri tɔha, o wa o gantɛl tiŋsi ta ni.

Maak 6:4

Yesu fun ŋɔ ba, “Nara maga nyɛ Koosa witiina jirimau, amaa o sɛmbiri tɔhɔn nara wa o dam walɛ awa o lul, ba wara nyɛ un jirima.”