Mat. 13:39 - Tampulma

³⁹ Sintana, naa ya ya dɔm, waa funɛ du kɔsi ta mu ŋmaha ti ni. Kumi saha wa ya tɛɛnɛ nɔ maga siili. Nikumɛ ka wa ya Koosa malaikasa.

Mat. 13:39 Referans Kwoze

Mat. 13:49

Chen vɛɛna, tɛɛnɛ nɔ maga siili saha wa tel, Koosa malaikasi ta zi wa purigi nibin were a li nibin tagna ni.

Mat. 25:31

“N waa nibine be wa Koosa malaikasi ta zi wa wau, mu zi wa kani mu kor niu a dɔ tɛɛnɛ nɔ maga,

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

Mat. 24:3

Ba fun la zini bi Ɔlif ti nyuha daha a kani dooni, o gantɛl tiŋsi ta fun wa Yesu wati ba duŋduŋ. Ba fun pɛɛsi un, “Saha leemawa chen kaa wa ya? Baŋa kaa wa te ya a biksi ya di tɛɛnɛ nɔ maga siili awa i waali saha telu?”

Mat. 13:25

Wuzu digi dusum nara maga funɛ chɔ do, o dɔm fun kaali o ŋmaha ti a la chɔɔsi kɔsa a kaali.

Juud 1:14

Baal digi funɛ nyɛn doon ba yir un Inɔk. O funɛ ya Adam bi lulɛ nidigirɛ a sɛm ba wɛ saha digi a ŋɔ, “Kina, Koosa wa o malaika damata wa wa,

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

Ju 9:26

O fu ya chen ni, saha naa Koosa fun naami tɛɛnɛ nɔ maga hali wa zinan, o fu zi namsi bu damatau a sou. Tɛɛnɛ nɔ maga siili saha funɛ wa dugli, o fun wa sou ya daha bu bɛgim a lisi tum tagna kpok a ta.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Mat. 13:28

O fun ŋɔ ba, ‘Mu dɔm funɛ la chɔɔsi kɔsi ta.’ Ba fun pɛɛsi un, ‘I daŋni ya pirigi a a tauu?’

Mat. 12:32

Nara pini n waa nibine be, Koosa zi koti a gil chen a nyɛ bau. Nara ka pini Koosa siim weri ti, Koosa wa zi gil chen a nyɛ ba, hali saha naa vɛ kpak bɔ.”

Mat. 13:22

Kiduha naa funɛ chesi sɔta bar nyɛni ni chen chi ba naa nu laaboor ti, amaa tɛɛnɛ nɔ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Mat. 13:40

Nikumɛ ta wa haasi kɔsi ta a suk din a du a ni. O zi wa du chene tɛɛnɛ nɔ maga siili saha.

1 Kɔr. 10:11

Kin na funɛ ya bau di a biksi ya. Ba fun sɔbi chenani funɛ ya di o biksi ya naa nyɛn tɛɛnɛ nɔ maga peti saha, di ya fiɛŋ ya wa tiŋ a chi chenani ba funɛ tiŋ.

Ju 1:2

Amaa bunsa nama nɛɛ o fun nyɛ o be Yesu Kristo biksi ya o wɛ. Koosa funɛ nyɛ o naami tɛɛnɛ nɔ maga awa buudaha, a fun lisi un di tɛɛnɛ nɔ maga awa buudaha siili saha wa tel, o zi wa dɔ kina magau.