Mat. 12:3 - Tampulma

³ Yesu fun burgi a pɛɛsi ba, “Ma yaa karimi koor Devid wɛ a li Koosa sɛm tɔn ti ni chen, ma wa zim o munn?

Mat. 12:3 Referans Kwoze

Luk 6:3

Yesu fun burgi a pɛɛsi ba, “Ma yaa karimi koor Devid wɛ a li Koosa sɛm tɔn ti ni chen, ma wa zim o munn?

Maak 12:10

Yesu fun pɛɛsi ba, “Ma ha wa karimi Koosa sɛm tɔn ti aa zim o mun doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok aa ya kibirigii? Koosa zi kpa unu a baŋ dɛ ti zɛchik ni.

Mat. 21:16

Ba fun wa zulimi un a ŋɔ, “I wara nu chenani baa zaami hin chenn?” Yesu fun la nɔɔni a pɛɛsi ba, “Ma funɛ karimi chenani ba fun sɔbi a li Koosa sɛm tɔn ti ni a ŋɔ, ‘Koosa funɛ lisi bichɛsa awa bichɛl wisa a nyɛ o titi ni di ba pɛgi un.’ ”

Maak 12:26

Ma waa tɔ di nibinsa wa zi si ba sou niu, ma ha wa karimi a li Koosa sɛm tɔn ti ni a zim o muna doonani Mosis fun la na ka din di bugil pum chenn? O funɛ na bugil pum ti, Koosa fun ŋɔ un, ‘Min ya Koosa naa ma nawaalsa Abraham, Aizik awa Jakɔb yaa jɛɛmi.’

Mat. 22:31

Ma waa tɔ di nibinsa wa zi si ba sou niu, ma ha wa karimi a li Koosa sɛm tɔn ti ni a zim chenani o ŋɔ o mun. O fun ŋɔ di,

Mat. 12:5

Ma ha wa karimi chenani Mosis fun sɔbi a li Koosa sɛm tɔn ti ni di Koosa dam kɔkɔɔrsi ta tum o bar jɛɛmi dam ti ni hiisi wuzuu? Ba waa yaa chɔk ya chiili wuzu hiise ta, amaa nandigi wa na ba galimsa.

Luk 10:26

Yesu fun burgi a pɛɛsi un, “Ba naa funɛ sɔbi a li Koosa sɛm tɔn ti ni chen, yɛrɛ ba fun biksi hin o wɛ?”

Mat. 19:4

Yesu fun ŋɔ ba, “Ba fun sɔbi a li Koosa sɛm tɔn ti ni di, ‘Saha naa Koosa fun naami tɛɛnɛ nɔ maga a li o piili ni, nibaal awa nihaannɛ o fun naami,’

Mat. 12:2

Farisi tim ta bɔnɛ funɛ na chenani ba tum, ba fun ŋɔ Yesu ni, “Yɛrɛ i gantɛl tiŋsi ta chɔk ya chiili wuzu hiisi ti?”

Mat. 12:4

Wuzu digi lɔsa funɛ kpak Devid awa o dɔŋtima, o fun kaali a la zu Koosa bar jɛɛmi dam ti a la zer boroboro, a chɔk a se a kpa nyɛ o dɔŋtim ni ba gbanko fun se. Nan boroboro nɔ funɛ chi wa sɛɛliu, see Koosa dam kɔkɔɔrsi ta duŋduŋ funɛ se.