Mat. 12:26 - Tampulma

²⁶ Sintana wa o nitumɛ yo dɔŋa, o wa zi chɔk o koor tii? O gbanko wa zi chiŋ vusi.

Mat. 12:26 Referans Kwoze

Kɔl. 1:13

O fun a yisi ya a li sintana naa nyɛn birsi ni, nin awa kpok ni, a kpa ya a la du o be daŋni koor ti ni.

1 Jɔn 5:19

Ya zimu di ya ya Koosa bisiwa. Ba naa maga vɛ ya Koosa bisa, ba waa nyɛn sintana nin ni.

JɔnN Deesi 16:10

Malaikasa nyuun tiina fun la biti a du kin nawara sel zen naa funɛ li ni ni chen, dɔ. O koor ti bar nyɛni fun wa biri ka o nitiŋɛ fun na paan a dusi ba zuluma.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 9:11

Malaikasi ta digi funɛ nyɛn doon ba yir un a li Ju tim sɛm ni, Abadɔn. Ba funɛ yir un a li Girik tim sɛm ni, Apɔliyɔn. O mun ya, ‘naa la chɔk kina’. Waa funɛ ya hɔɔni ta koora a il bɔ naa vɛ kpak bar peti.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Jɔn 16:11

Koosa fun piin na sintana naa dɔ tɛɛnɛ nɔ tim maga, galimsa a ha vɛ ta un yɔri. Kin namawa Koosa siim weri ti kaa wa biksi ba.

Jɔn 14:30

Mu wa bura daŋni mu sɛm kinkan ma wati, domi sintana naa dɔ tɛɛnɛ nɔ tim maga wau. Mu wa un wa kpak wu digi wa dɔŋ ni.

Jɔn 12:31

Chenani Koosa zi di tɛɛne nɔ tim maga sɛria a nyaŋi sintana naa dɔ ba, duglɛu.

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Mat. 9:34

Amaa Farisi tima funɛ ŋɔ dɔŋ niu, “Alizin tagna tiina funɛ nyɛ baal ti kpok di o duŋni a a li nara ni.”

Mat. 13:19

Kiduha naa funɛ chesi nyinbaan ti ni chen chi Koosa koor laaboor weri naa nibinsa nu a vɛ zim o mun. Sintana funɛ siu lalaga a wa yisi laaboor ti a li ba bambe ni.