Biblia Todo Logo
Bib sou entènèt

- Piblisite -




Mat. 11:25 - Tampulma

25 A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

Gade chapit la Kopi




Mat. 11:25
40 Referans Kwoze  

Ba fun wa zulimi un a ŋɔ, “I wara nu chenani baa zaami hin chenn?” Yesu fun la nɔɔni a pɛɛsi ba, “Ma funɛ karimi chenani ba fun sɔbi a li Koosa sɛm tɔn ti ni a ŋɔ, ‘Koosa funɛ lisi bichɛsa awa bichɛl wisa a nyɛ o titi ni di ba pɛgi un.’ ”


Yesu fun ŋɔ un, “Simɔn, Jɔn be, Koosa zi nyɛ i tuha sɔɔniu kinkan. Nibine wa fun koti a biksi hin wuti sɛm naa i sɛm nan, amaa mu nyana naa nyɛn o tɔhɔn ti ni, waa ka funɛ biksi hin.


Amaa Ju tim ta ka chi un. Chen saha ti hali wa zinan, ba yaa funɛ karimi Koosa chiksɛ ta a li o sɛm tɔn ti ni. A chi gar tɔ ba lise. Ba bambe gbanko chi bambe sitɛwa. Nyinbaan bɛgim duŋduŋ nyɛ ba wa zim Koosa. O lawa ba se su Yesu Kristou.


Koosa funɛ naami tɛɛnɛ nɔ maga awa kin naa maga nyɛn un ni a dɔ o wa buudaha. Chendaha o wa koti a nyɛn dam naa nibinsa sa a nyɛ un ni.


Ba fun zer buŋkul ti ta a li hugil ti nɔ ni, Yesu fun a nyini buudaha ni a ŋɔ, “Mu nyana, mu zaami hinu di i nu mu nɔ saha maga.


“Mu kunyana, mu sumi hinu, lisi namsi nɔ a li mu nin ni. Nyɛ i tutɔ ti ya a kaali mu tutɔ.”


Ba funɛ tum chene, Yesu fun sumi Koosa a ŋɔ, “Nara nama wa zim chenani baa tum. Gil ba tum tagna a nyɛ ba.” Ba funɛ tum peti, ba fun kpa o gata a dau di ba yo walɛ di ba na anti kaa di a.


Doone Yesu fun burgi a ŋɔ ba naa nyɛn dooni, “Mu bambi bure min ni. Mu wa koti a sumi mu nyan ti di o lisi min a li kin naa kaa wa ya nan ni. O funɛ tum min di mu wa chem chene.”


Doone o fun sumi Koosa a ŋɔ, “Mu nyana, nyɛ nara kinyɛ hin jirima chenani ba kaa ya min daha.” Ba fun vaan nu ta a li buudaha ni ka o ŋɔ, “Mu funɛ nyɛ nara nyɛ min jirima ka mu zi bu nyɛ ba ya chen.”


Amaa lalaknɔ Koosa funɛ nyɛ o siim weri ti biksi ya kin nama wɛ. O siim weri ti nyini kina maga a zim Koosa wu sogle gbanko.


Swiv nou:

Piblisite


Piblisite