Maak 9:2 - Tampulma

² A wuzu bunɔra gantɛl ni, Yesu fun yir Pita, Jems, awa Jɔn. Ba fun la zini bi digi nyuha a nyɛn doon ba duŋduŋ. Ba funɛ nyɛn doon, Yesu si nyine fun a chɛrgi ba suwachak ni.

Maak 9:2 Referans Kwoze

Maak 5:37

Yesu wa fun a daŋni nandigi tiŋ un amaa a nyɛ Pita, Jems awa o niinbe Jɔn ba duŋduŋ funɛ tiŋ un kaali.

Maak 14:33

O funɛ la chene, o fun nyɛ Pita, Jems awa Jɔn fun tiŋ un. O fun piili a na namsi kinkan a chi o kaa sou. O tuha fun chɔk kinkan.

2 Kɔr. 13:1

Mu funɛ piin wa ma watiu bilɛ. Lalaknɔ mu bur a saksiu di mu wa. Maa lisi chenani ba fun sɔbi a li Koosa sɛm tɔn ti ni. Ba funɛ ŋɔ, “Ma daŋni ma fiksi nandigi, ma kpak nara alɛ akoo nara batora ba ya ma sɛhɛra tima.”

JɔnN Deesi 20:11

Doone mu fun na jirima bar kani naa zenee a pilimi a wa na naa kani un ni. Tɛɛnɛ nɔ maga awa buudaha vɛ nyɛn o suwachak ni, amaa bar digi wa fun to a zi sogli.

Maak 16:12

Nara balɛ funɛ li tɔhɔn ti ni a val nyinbaan ni, Yesu fun wa pu ba a kɔr ba ni.

Filip. Tima 3:21

O wa wa, o zi chɛrgi ya barau a naa vɛ kpoki a kɔɔri a a chi o titi bara naa kpak kpok awa chaani kinkan. O kpok nɔ gbanko zi nyɛ o lagmi kina magau a dɔ a.

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Luk 6:12

Yesu fun li dooni a kaali kuŋkule nyuha a sumi Koosa dusum maga.

Mat. 14:13

Yesu funɛ nu laaboor ti, o fun zu arŋa a la ji a kaali nyabaan o duŋduŋ. O funɛ la chene, nidamata fun a na un a li ba tɔsi ni a kpa ba naŋgere a chɔ a te o suwachak a la tel doon ka o zi wa.