Maak 3:7 - Tampulma

⁷ Yesu awa o gantɛl tiŋsi ta fun li dooni a kaali bɛɛŋ ti. Nara kinkan fun tiŋ un a li Galili ni a la dooni.

Maak 3:7 Referans Kwoze

Luk 6:17

Yesu wa o gantɛl tiŋsi ta fun li kuŋkule nyuhu ti a wa tu. Ba naa funɛ nyɛn o wati dooni funɛ iiu kinkan. Ba funɛ la tel tɛɛnɛ doonani mak dɔŋa, ba fun chem zɛmɛ kinkan a li Jɛrusalɛm awa Judia pulum maga ni awa tɔsi naa ba yir Taaya awa Saidɔn a naa funɛ nyɛn teku nɔ ni.

Mat. 4:25

Zɛmɛ kinkan fun tiŋ un a li Galili pulum awa Dɛkapɔlis pulum, Jɛrusalɛm, Judia, awa Jɔɔdan mɔɔga jibaŋ digi ni.

Mat. 12:15

Yesu funɛ nu nan wɛ, o funɛ li dooni a kaali. Nidamata fun tiŋ un. O fun tiibi ba wichɔɔrsa maga,

Luk 23:5

Ba fun a fiksi un a kaali chenani ba fun te fiksi a ŋɔ un, “Chenani baal nɔ yaa biksi nara tima zi nyɛ ba damu. O fun piili a biksi ba a li Galili pulum ni a la gali Judia pulum ni hali a wa li bar nɔ.”

Luk 6:12

Yesu fun li dooni a kaali kuŋkule nyuha a sumi Koosa dusum maga.

Maak 1:39

Ba fun si a gba a go Galili pulum a la ŋɔ nara ni Koosa wɛ ba bar lagmi dɛɛni ni, a la duŋni alizin tagna a li nara ni.

Mat. 10:23

Ba muksi ma a li tɔ digi ni, ma li dooni a la bar digi. Wutirɛ n ŋɔ ma, ma wa zi tum ma tum maga a peti a li Ju tim tɔsi ta ni, hali n waa nibine be wa bur wa.

Tuma 17:14

Ya niinbisi ta fun vaan lisi ba bɔnɛ a li ba ni di ba wa Pɔɔl kila ni nɔ. Sailas awa Timoti fun kpalimi Bɛrɛa ni.

Tuma 17:10

Dusum funɛ wa biri, Yesu nitiŋɛ ta fun tum Pɔɔl awa Sailas a li tɔhɔn naa ba yir Bɛrɛa. Ba fun la tel doon a la zu Ju tim ta bar lagmi dɛ.

Jɔn 7:52

Ba fun pɛɛsi un, “I gbanko ya Galili tim narrɛɛ? Koosa sɛm tɔn ti bar digi wa to ba fun sɔbi di o witinsi ta digi ya Galili narrɛ.” ((

Jɔn 7:41

Bɔnɛ fun ŋɔ, “Waa ya Kristo naa Koosa fun ŋɔ di o zi tumu chen.” Bɔnɛ ka fun bukoo ŋɔ, “Kristo wa zi ya Galili tim baal.

Mat. 12:16

a fun ŋɔ ba di ba fiɛŋ ba ŋɔ o wɛ nandigi ni.

Maak 1:45

Zagum ti fun kaali a vɛ tiŋ chenani Yesu ŋɔ un, amaa o funɛ sɛm nara maga niu chenani Yesu ya nyɛ un. Domi o funɛ sɛm chen, Yesu wa fun koti a zu tɔsa see o sogli a wa, ka o fun kaali a la nyɛn nyabaan ni. Lalaknɔ nara fun li bawu maga a wa o wati.

Maak 3:20

Zɛmɛ kinkan bur lagmi a wa. Hali Yesu awa o gantɛl tiŋsi ta wa fun na nyinbaan a di diwe.

Maak 4:1

Yesu fun bu wa bɛɛŋ ti a biksi nara Koosa wɛ. Zɛmɛ kinkan fun wa o wati a wa go un. Domi ba funɛ iiu kinkan, o fun a nyini arŋ bar nyɛni a la zu, amaa zɛmɛ ta wa funɛ chiŋi jibaŋ nɛɛ.