Maak 3:22 - Tampulma

²² Koosa chiksɛ nibiksɛ ta bɔnɛ fun li Jɛrusalɛm a ŋɔ dɔŋ ni, “Biɛlzɛbub, naa ya alizin tagna maga koora, nyɛn un ni a la nyɛ un kpok saha maga, chen ni o zi kotiu a duŋni alizin tagni ta a li nara ni.”

Maak 3:22 Referans Kwoze

Mat. 15:1

Farisi tim ta awa Koosa chiksɛ nibiksɛ ta bɔnɛ, ba naa funɛ li Jɛrusalɛm, ba fun wa lagmi Yesu wati a pɛɛsi un,

Mat. 10:25

Nibuksi ti ta daŋni o kaali o nibiksi ti, amaa o kpaŋi o titi ka ba mak dɔŋa. Yom ti gbanko ta daŋni o kaali o kunyan ti. O na nyinbaan o nyɛ o wa o kunyan ti mak dɔŋa. Biɛlzɛbub ya alizin tagna maga nihɛɛ. Nara yir min o sɔn ti, ba zi yir mu gantɛl tiŋsi ta gbanko o sɔn ti.”

Mat. 12:24

Farisi tim ta funɛ nu chenani ba sɛm dɔŋ ni, ba fun ŋɔ ba, “Biɛlzɛbub, naa ya alizin tagna maga koora, nyɛn un ni a la nyɛ un kpok saha maga, chen ni o zi koti a duŋni alizin tagnau a li nara ni.”

Mat. 9:34

Amaa Farisi tima funɛ ŋɔ dɔŋ niu, “Alizin tagna tiina funɛ nyɛ baal ti kpok di o duŋni a a li nara ni.”

Jɔn 7:20

Zɛmɛ ta fun ŋɔ un, “I zu galɛŋwa. Anti ma la daŋni ba kpu hin?”

Jɔn 8:52

Ju tim ta fun ŋɔ, “Lalaknɔwa ya zim di i kpak alizin taginu. Hin ŋɔ ya di ba naa maga tiŋ i nɔ wa zi sou, amaa ya nawaal, Abraham, awa Koosa witinsi ta maga funɛ sitiu saha digi.

Jɔn 8:48

Doone Ju tim ta fun ŋɔ Yesu ni, “Ya ŋɔɛɛ di i ya Samaria tim nidigirɛ ka alizin tagin kani i nyuhu ni, wuti laata ya sɛm?”

Luk 11:15

Amaa ba bɔnɛ funɛ ŋɔ dɔŋ niu, “Biɛlzɛbub, naa ya alizin tagna maga koora, nyɛn un ni a la nyɛ un kpok saha maga, chen ni o zi kotiu duŋni alizin tagni ta a li nara ni.”

Maak 7:1

Farisi tim ta awa Koosa chiksɛ nibiksɛ ta bɔnɛ ba naa funɛ li Jɛrusalɛm a wa lagmi Yesu wati.

Mat. 11:18

Jɔn funɛ wa a vɔu o nɔ, nara maga funɛ ŋɔ dɔŋ ni di alizin tagin kanɛ o nyuhu ni.

Jɔn 10:22

Peha saha ya fun wa tel, Ju tim ta yaa di wuzu zeneu. Chen saha ti ba yaa lisi chenani ba fun kpa ba bar jɛɛmi dama a nyɛ Koosa ni saha digi.

Luk 5:17

Wuzu digi Yesu fun a biksi nara ka Koosa kpok nyɛn un ni o kpa un a tiibi wichɔɔrsa. Farisi tim ta awa Koosa chiksɛ nibiksɛ ba naa funɛ li Jɛrusalɛm awa tɔsi naa nyɛn Galili pulum awa Judia pulum ni, ba waa funɛ kani a nu o sɛma.