Maak 3:11 - Tampulma

¹¹ Hali ba naa alizin tagna fun nyɛn ba ni ka ba na un, ba yaa chel tɛɛnɛ nɛɛ o suwachak ni a tɛsi kinkan a ŋɔ, “I ya Koosa bere.”

Maak 3:11 Referans Kwoze

Luk 4:41

Yesu funɛ duŋni alizin tagni ta a li nara ta ni. A fun a tɛsi a ŋɔ, “I ya Koosa bere.” A funɛ zimu di waa ya Kristo naa Koosa fun ŋɔ di o zi wa tumu wuzu digi. Yesu fun ŋɔ a di a gil chɛɛma.

Luk 8:28

Nara yaa fun kpa zɔglɛ a vɔti o naŋgere awa o nisa hali ba wa ku, amaa alizin tagni ta yaa fun siu a kasi a maga a duŋni un o kaali nyabaan. Yesu funɛ wa li arŋ ti ni, baal ti fun chɔ a wa gbiri o suwachak ni a zaami un. Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “Baŋnɛ ii daŋni n wati, i waa Yesu, Koosa zen be? Kinyini Koosa a gil mu muksi.”

Jems 2:19

Ma la nɔɔni di Koosa bɛgim nyɛnɛɛ. Chen deŋlu. Alizin tagna gbanko la nɔɔni di Koosa bɛgim nyɛnɛɛ. Chendaha ba ɔm a la jigiri.

Mat. 8:29

Ba nidigi fun tɛsi a pɛɛsi un, “I waa Koosa be, baŋnɛ ii daŋni ya wati? A wuzu naa Koosa zi wa di tɛɛnɛ nɔ maga nara sɛria ha wa tel. I te wau di i wa namsi ya ka saha ti zi wa tell?”

Mat. 4:3

Sintana fun wa zaamsi un a ŋɔ, “I sir ya Koosa be, nyɛ buŋkul na burgi diwe i di.”

Tuma 16:17

O fun tiŋ ya wa Pɔɔl gantɛl a tɛsi a la ŋɔ, “Nara nama ya Koosa zen tumtumsiwa. Ba waa funɛ mɔɔli ma a li chenani Koosa zi wa yisi ma a li ma tum tagna ni ma tiŋ un.”

Mat. 8:31

Alizin tagni ta fun a sumi Yesu a ŋɔ, “I duŋni ya a ta, nyɛ ya la zu kurchusi ta ni.”

Mat. 4:6

a ŋɔ un, “I sir ya Koosa be, li mampil nɔ nyuhu ni a chel tɛɛnɛ ni. I zim di ba funɛ sɔbiu a li Koosa sɛm tɔn ti ni a ŋɔ, ‘O malaikasi ta go hinu. O zi ŋɔ au di a kpa a nisa a chak hin, chen ni i chiksi tɛɛnɛ ni, i naŋgere wa zi huusi.’ ”

Mat. 14:33

O gantɛl tiŋsa ba naa funɛ kpalimi arŋ ti tuhu ni, funɛ jɛɛmi Yesu a ŋɔ, “Wutirɛ i ya Koosa bere.”

Maak 1:1

Koosa laaboor weri piili nɛɛnɛ. O ya o be Yesu Kristo wɛwa.

1 Kɔr. 11:34

Lɔsa kpak ma nidigi, o yaa di o dam ni a zi wa. Ma ta di diwe naa vɛ kpak nyinbaan wa ma diili, chen ni Koosa wa zi na paan a du ma ni. Mu wa bur wa ma wati, mu zi biksi ma wɛ naa kaɛɛ.