Maak 14:7 - Tampulma

⁷ Saha maga fara tim ta yaa nyɛn ma watɛɛ. Chenani maa daŋni ma suŋi ba, ma yaa koti a suŋi ba. Amaa mu wa zi nyɛn ma wati aa la.

Maak 14:7 Referans Kwoze

Mat. 26:11

Saha maga fara tim ta yaa nyɛn ma watɛɛ, amaa mu wa zi nyɛn ma wati aa la.

Faili. 1:7

Mu niinbe daŋni, hin la kpami min a la nyɛ mu tuha sɔɔni kinkan, domi ii daŋni ba naa maga la tiŋ Koosa nyinbaannɛ a la kpami ba.

Tuma 3:21

Koosa funɛ nyɛ o witinsa ba naa o fun lisi a nyɛ o titi ni, mɔɔliu saha digi di wuzu digi o zi wa nyɛ kina maga burgi kifalɛu. O lawa Yesu kpalimi Koosa tɔhɔn ti niu hali saha ti wa tel.

Jɔn 17:11

Lalaknɔ mu saksi di mu li tɛɛnɛ nɔ maga ni a wa i wati ka ba kpalimi gantɛl ni. Mu nyana naa ya tu chaan tiina, i funɛ lisi ba a nyɛ min. Kpa i kpok ti a nyini ba nɛnɛ a suŋi ba ba kpak nɔ bɛgim a chi ya.

Jɔn 16:28

Mu funɛ li o watɛɛ a wa tɛɛnɛ nɔ maga. Lalaknɔ mu saksi di mu li a bur a la o wati.”

Jɔn 16:5

“Lalaknɔwa mu saksi di mu bur la naa funɛ tum min ma wati. Ma nidigi ha wa wa pɛɛsi min di leene mu la.

Jɔn 13:33

Mu bisa, mu wa ma wa zi nyɛn vusi. Mu wa kaali, ma zi dɛu mu bar nyɛniu. Ma lisi chenani mu fun ŋɔ Ju tim ta ni di ba wa kikoti a tiŋ min la doonani mu la chen. Chenani mu ŋɔ ba chen, ya ma gbanko kinnɛ.

Maak 14:6

Yesu fun ŋɔ ba, “Ma gil un. Yɛrɛ ma muksi un chen? O ya wu werire a nyɛ min.