Maak 12:14 - Tampulma

¹⁴ Ba fun wa ŋɔ un, “Ya kunyana, ya zimu di i ya wuti tiinnɛ. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi. Ya yaa bɔ ya lampo a nyɛ koorsi ta nyuhu tiina Siiza ni, chen weru koo o wa wer? Ya yaa kibɔ koo ya ta bɔɔlii?”

Maak 12:14 Referans Kwoze

1 Tɛs. 2:4

Ya sɛm sɛm naa Koosa daŋni ya sɛmnɛ domi waa funɛ lisi ya. Waa funɛ kpa o laaboor weri ti a du ya nisi ni, chen ni ya zi kotiu a biksi nara. Ya wara daŋni di nibinsa tusiwa sɔɔni, amaa ya daŋni Koosa tuhurɛ sɔɔni. O zim chenani ya bambe lisi duu.

Gal. 2:6

Ba naa funɛ chi nihɛɛti ta dooni fun la nɔɔni di chenani mu biksi ba naa vɛ ya Ju tima ya wutirɛ. Ba wa fun kpa biksi digi a gbaari mu biksi ti ni. Mu baga wa fun to di ba wa ya nihɛɛti ta koo ba laata. Koosa wara di ya sɛria a li ya bara nɛɛ.

Gal. 1:10

Ma lisu di muu daŋni mu ya nara lɛmlɛmnɛɛ? Aai. Mu daŋni mu sɔɔni Koosa duŋduŋ tuharɛ. Mu daŋni mu ya nara lɛmlɛm, mu wa ya Kristo tumtumna.

2 Kɔr. 5:16

Chendaha ya wara bur a di nibinsa sɛria a chi tɛɛnɛ nɔ tim maga. Ya funɛ di Kristo sɛria chene, amaa lalaknɔ ya wa bur a di un.

2 Kɔr. 5:11

Domi ya ɔm ya kunyan tiu, chendaha muu daŋni mu biksi ma di yaa tum Koosa tuma wa wutirɛ. Waa zim di ya tum o tuma wutirɛ. Mu si su di ma gbanko zi tum chenu.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

2 Kɔr. 2:2

Mu fu wa ma wati ka mu sɛma nyɛ ma tusa wa chɔk, anti fu zi nyɛn a kpami min? Ma nawara tusa chɔk chen fu wa zi ya chen.

Jɔn 7:18

Naa sɛm o titi sɛma daŋni narawa kinyɛ un jirima. Nar ka daŋni o nyɛ naa tum un chen, jirima ya wuti tiinnɛ. Nusuna wa to un ni.

Room 13:6

Chendaha o weru di ma bɔ lamposa. O ya Koosa tutɔrɛ ma ya chen, chen ni pulum ti nihɛɛti ta zi kotiu a tum ba tuma a nyɛ un.

Luk 23:2

Ba fun fiksi Yesu o suwachak ni a ŋɔ, “Baal nɔ yaa mur ya narawa a ŋɔ ba di ba ta bɔ lampo a nyɛ koorsi ta nyuhu tiina Siiza ni. O titi fun ŋɔ di waa ya koor zen naa ba yir Kristo chen.”

Luk 20:22

Ya yaa bɔ ya lampo a nyɛ koorsi ta nyuhu tiina Siiza ni, chen weru koo o wa wer?”

Maak 14:45

Ba funɛ wa tel ba wati, Judas fun vaan kaali Yesu wati a la zaami un a ŋɔ, “Mu kunyana,” a mɔksi un a chi chɛnsa yaa mɔksi dɔŋ chen.

Mat. 22:17

Ya yaa bɔ ya lampo a nyɛ koorsi ta nyuhu tiina Siiza ni, chen weru koo o wa wer? Ya yaa kibɔ koo ya ta bɔɔlii?”

2 Kɔr. 4:1

Koosa naa funɛ kpak ya siki chen, funɛ lisi yau di yaa biksi nara kin nama wɛ. Ya wa zi bur gantɛl a li tum naa o kpa nyɛ ya nan.

Mat. 22:16

Ba fun tum ba nitiŋɛ bɔnɛ awa Hɛrɔd nitiŋɛ Yesu wati a wa ŋɔ un, “Ya kunyana, ya zimu di i ya wuti tiinne. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Maak 12:13

Ba fun burgi a nyini Farisi tim ta bɔnɛ awa Hɛrɔd nitiŋɛ bɔnɛ di ba la mo o lo a na chenani o zi sɛm ka ba na nyinbaan a kpu un.

Maak 12:15

Yesu fun zim di ba daŋni ba mo o lore. O fun pɛɛsi ba, “Yɛrɛ murirɛ ma mur min nan? Ma kpa malɛ ta a wa n na.”