Maak 1:14 - Tampulma

¹⁴ A gantɛl nɛɛ koor Hɛrɔd fun nyɛ ba kpak Jɔn a tɔ un dɛ, Yesu fun si dooni a kaali Galili pulum a wa mɔɔli Koosa laaboor weri ti a nyɛ nara ni,

Maak 1:14 Referans Kwoze

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Mat. 4:12

Wuzu digi ba fun kpak Jɔn a tɔ un dɛ. Yesu funɛ nu chenani yɛɛ, o fun si a kaali Galili pulum.

Ɛfɛ. 2:17

Yesu Kristo funɛ wa, o fun biksi nara Koosa laaboor weri naa nyɛ nibinsa kpak bara sɔɔna wɛ. O fun biksi Ju tima ba naa funɛ piin zim un. Ma naa vɛ ya Ju tima wa fun zim Koosa, Yesu Kristo funɛ biksi ma chen gbankou.

Luk 8:1

Wuzu bile wuzu Yesu wa a gantɛl tiŋsa fidalɛ ta fun gba a zu tɔ damata awa tɔ wisa a biksi Koosa laaboor weri ti di o daŋni o dɔ narawa.

Tuma 28:23

Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Mat. 9:35

A saha tirɛ Yesu funɛ gba aa go tɔsa awa tɔ wisa. O fun a biksi nara tima Koosa koor laaboor weri ti wɛ a li ba bar lagmi dɛɛni ta ni. O gbanko funɛ tiibi wichɔɔrsa magau.

Tuma 20:25

“Mu wa ma funɛ nyɛn, mu funɛ biksi ma di saha naa Koosa kaa wa dɔ nara telu. Mu zimu di saha nɔ kpa la, ma wa zi bu na min.

Mat. 14:2

O fun ŋɔ o nihɛɛta ni, “Jɔn naa funɛ chaksi nara wa ni ni chen, si o sou ni a bu kpak miisa. Chendaha o koti a tum tum zene.”

Luk 3:20

Wuzu digirɛ Hɛrɔd fun kpak Jɔn a la tɔ un dɛ o funɛ zulimi un daha.

Mat. 11:2

Jɔn naa funɛ chaksi nara wa ni ni chen, fun kpalimi Hɛrɔd dɛ naa ba tɔ nara chen. O funɛ nu chenani Yesu tum, Jɔn fun tum o gantɛl tiŋsi ta bɔnɛ o wati.

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.