Luk 8:43 - Tampulma

⁴³ Nihaan digi funɛ nyɛn doon a kpak wichɔɔr digi bun fidalɛ. O fun ya nin ka o vɛ peti. O fun a chɔk o malɛ maga a nyɛ luri tim ni, amaa nandigi wa fun koti a tiibi un.

Luk 8:43 Referans Kwoze

Luk 13:16

Nihaan nɔ nyɛn bar nɔ nan ya Abraham be lulɛ ta digirɛ. Sintana fun dɔ un bun fumlɛ alɛ wa to. Yɛrɛ ma ŋɔ di o wa deŋli di mu tiibi un hiisi wuzu ti?”

Jɔn 9:1

Wuzu digi Yesu funɛ val a la chene a la na baal naa ba fun lul wa nyulumsi ni chen.

Luk 13:11

Haan digi funɛ nyɛn doon. Alizin tagin fun nyɛn o nyuhu ni, ka o fun vɛ kpak alaafɛ bun fumlɛ alɛ wa to. O fun huuni a val aa vɛ deŋli.

Luk 8:27

Baal digi funɛ nyɛn doon a kpak alizin tagna o nyuhu ni. Kundɔŋ wa fun tɔ o bara. O fun nyɛn hugilsa bar nyɛn nɛɛ.

Tuma 4:22

Baal naa na alaafɛ a li tum zen nɔ ni funɛ kaali bun fumnaasiu.

Tuma 3:2

Ba fun wa tel bulzɔɔnɔ naa ba yir kiweri chen ka baal digi kani dooni. Ba funɛ lul un gbarigirɛ. Wuzu kam o walɛ yaa fun zer unu a wa kansi bulzɔɔnɔ ti ni di o sumi kina a li ba naa wa zu Koosa bar jɛɛmi dam ti.

Jɔn 9:21

amaa ya wa zim chenani o ya a na koo naa lɛlɛ o se ta. Ma la pɛɛsi un chenani o ya o se ta lɛli. O ya nihɛɛu a la zi sɛm ma.”

Maak 9:18

Alizin tagin ti yaa si un ni a zer un lɔ tɛɛnɛ ni. Saha naa maga o yaa zer un lɔ. Nantɔ fukla yaa li o nɔ ni ka oo se o nyina. O bara maga gigmi. N sumi i gantɛl tiŋsi ta di ba duŋni alizin tagin ti a li mu be ti ni. Ba wa fun koti a duŋni un.”

Maak 12:44

Ba lisɛ ba malɛ damata tuhu nɛɛ a wa dau, amaa o waa kpa o malɛ magwa a wa dau.”

Luk 8:42

“Mu kpak nihabichɛl bɛgim duŋduŋnɛ. O ya bun fidalɛwa. O wiu a daŋni o sou. Kuwa mu dama a wa suŋi min.” Yesu fun tiŋ Jairus a kaali. Nara kinkan gbanko funɛ tiŋ un aa zaksi un.

Luk 8:44

O fun zu zɛmɛ ta ni a la pu Yesu a gbaŋsi o kilaarɛ gantɛl. O funɛ la gbaŋsi o kilaarɛ ti chen, o nin ti fun vaan teŋ.