Luk 8:12 - Tampulma

¹² Kiduha naa funɛ chesi nyinbaan ti ni chen chi o laaboor weri naa nibinsa nurɛ. Sintana fun si lalaga a wa yisi laaboor ti a li ba bambe ni, chen ni ba se wa zi su un. Koosa wa zi koti a yisi ba a li ba tum tagna ni.

Luk 8:12 Referans Kwoze

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

Maak 4:15

Kiduhu naa funɛ chesi nyinbaan ni chen chi ba naa nu, amaa sintana funɛ siu lalaga a wa yisi laaboor ti a li ba bambe ni.

Mat. 13:19

Kiduha naa funɛ chesi nyinbaan ti ni chen chi Koosa koor laaboor weri naa nibinsa nu a vɛ zim o mun. Sintana funɛ siu lalaga a wa yisi laaboor ti a li ba bambe ni.

Luk 8:5

“Baal digi funɛ nyɛn doon a fun si a kaali o ŋmaha di o la zaasi kiduha. O funɛ zaasi chene, kiduhu ti bɔnɛ fun chesi nyinbaan ni ka o nɔsi a ni. Zimebisa fun wa pini a naa chesi nyinbaan ti ni chen maga a di.

Mat. 13:4

O funɛ zaasi chene, kiduhu ti bɔnɛ fun chesi nyinbaan ni. Zimebisa fun wa pini a naa chesi nyinbaan ti ni chen maga a di.

Luk 8:11

“Ma nyɛ mu ŋɔ ma jɛɛgi ti mun. Kiduha ti chi Koosa laaboor weri tirɛ.

Luk 8:13

Kiduha naa funɛ chesi buŋkul ta tuhu ni chen chi ba naa nu laaboor weri ti ka ba tusa sɔɔni. Amaa laaboor ti wa fun ta lur ta ba ni. Ba funɛ tiŋ tamnɛ, amaa saha naa namsi wa kpak ba chen laaboor weri ti daha, ba vɛ un a bu vɛ tiŋi.