Luk 7:34 - Tampulma

³⁴ N waa min nibine be funɛ wa a vɛ vɔu n nɔ, nara maga fun ŋɔ di, ‘Ma nyini baal nɔ. O ya pumpo tiinnɛ a la nyɔ sin kinkan. O ya lampo nilalɛ chɛnnɛ awa ba naa la tum tum tagna gbankore.’

Luk 7:34 Referans Kwoze

Luk 15:2

Farisi tim ta awa Koosa chiksɛ nibiksɛ ta bɔnɛ funɛ lagmi dooni. Ba funɛ na lampo nilalɛ ta awa tum tagna nitumɛ ta ka ba chiŋi dooni, ba zulimi a la ŋɔ dɔŋ ni, “Baal nɔ, o tuha funɛ sɔɔniu o na ba ka ba wa chen. Hali o wa ba lagmi a di diwe.”

Jɔn 12:2

Ba fun ya diwe di ba wa Yesu di. Yesu fun wa o wa Lazarus fun lagmi kani. Marta fun kpa diwe ta a wa nyɛ ba ba di.

Luk 19:7

Zɛmɛ ta funɛ na chenani yɛɛ, ba funɛ zulimi Yesu a la ŋɔ dɔŋ ni, “Baal nɔ zu wu tagni tiina damnɛ.”

Luk 14:1

Hiisi wuzu digirɛ Yesu fun la Farisi tim ta nihɛɛ dama di o wa un di diwe. Ba naa wa un funɛ lagmi nyɛn dam ti ni chen, funɛ nyini un nɛnɛ.

Luk 7:36

Wuzu digi Farisi tim ta nidigi fun ŋɔ Yesu ni di o wa o dama o wa un di diwe. Yesu fun kaali a la lagmi un ni ba di.

Luk 5:29

Yesu awa o gantɛl tiŋsi ta fun kaali Livai dama di ba la di diwe. Lampo nilalɛ awa nidamata fun tiŋ Yesu ka ba bɔnɛ la gbaari un ni awa o gantɛl tiŋsi ta ni. Ba maga fun kani a di diwe ta.

Mat. 9:11

Ba naa funɛ ya Farisi tim ta bɔnɛ, funɛ na bau ka ba di diwe ta. Ba fun pɛɛsi o gantɛl tiŋsi ta, “Yɛrɛ ma kunyana wa wu tagna tima awa lampo nilalɛ ta lagmi a di diwe?”

Jɔn 2:2

Ba fun yir Yesu awa o gantɛl tiŋsa gbanko di ba wa haan fali dam ti.

Luk 11:37

Yesu funɛ sɛm peti, Farisi tim ta baal digi fun yir un di o wa un di diwe o dam ni. Yesu fun la gbaari un ni ba di diwe ta.

Mat. 5:46

Ma daŋni ba naa la daŋni ma duŋduŋ, yɛrɛ ma kaa ya a na Koosa papaha? Hali lampo nilalɛ gbanko daŋni nara chene.

Mat. 11:19

N waa min nibine be funɛ wa a vɛ vɔu n nɔ, nara maga funɛ ŋɔ dɔŋ ni, ‘Ma nyini baal nɔ. O ya pumpo tiinne a la nyɔ sin kinkan. O ya lampo nilalɛ chɛnnɛ awa ba naa la tum tum tagna gbankore.’ Koosa biksi nara o wuti nyinbaanisa, a naa kurgɛu.”

Luk 7:33

Jɔn naa funɛ chaksi nara wa ni ni chen, funɛ wa a vɔu o nɔ, nara maga fun ŋɔ di alizin tagin kanɛ o nyuhu ni.

Luk 7:35

Koosa biksi nara o wuti nyinbaan a naa kurgɛu.”