Luk 7:16 - Tampulma

¹⁶ Zɛmɛ ta funɛ na chenani Yesu fun tum, hansura fun kpak ba kinkan. Ba funɛ pɛgi Koosa a ŋɔ, “Hin ya witiin zen ti.” Ba gbanko ŋɔ, “I wau di i wa suŋi i nara.”

Luk 7:16 Referans Kwoze

Luk 7:39

Farisi tim ta baal naa funɛ yir Yesu di o wa ba di diwe chen, funɛ na chenani nihaan ti tum, o fun lisi o bambi ni, “Baal nɔ sir ya Koosa witinsa ta digirɛ, o fu zi zim di haan naa la gbaŋsi un nan, ya tum tagna nitumirɛ.”

Mat. 9:8

Ba naa funɛ chiŋi dooni na chenani o ya, hansura fun kpak ba kinkan. Ba fun a pɛgi Koosa o kpa o kpok a nyɛ Yesu ni o tum chen daha.

Luk 1:68

O fun ŋɔ, “Ya kunyana naa ya Ju tim Koosa, funɛ la o nara nyuunau a nyɛ ba. Ma nyɛ ya pɛgi un nan daha.

Luk 5:26

Ba naa funɛ chiŋi a nyini un, o fun ya ba alaazibu kinkan. Hansura fun kpak ba ka ba pɛgi Koosa a ŋɔ, “Ya na alaazibu tumau zinan.”

Luk 2:20

Piisi gbaŋsi ta fun bur a kaali ba piisisi ta wati. Ba funɛ nyɛn nyinbaan ni a la chene, ba fun lɔ boola a la pɛgi Koosa. Malaika ti sɛma awa be ti naali nyɛ ba tusa sɔɔni. Chenani malaika ti fun ŋɔ ba sir ya wutirɛ.

Luk 1:65

Ba naa maga funɛ nyɛn dɛ ti ni chen, ba funɛ bu nu ka Zɛkaraya sɛm sɛma, hansura fun kpak ba kinkan. Ba fun li a mɔɔli laaboor naa ba nu a su tɔsi na kuŋkule nyuuna go a li Judia pulum ni.

Mat. 21:11

Zɛmɛ ta bɔnɛ ba naa wa Yesu zu tɔhɔn ti, fun ŋɔ ba, “Koosa witiina Yesure. O li Nazarɛt naa nyɛn Galili pulum ni chene.”

Mat. 15:31

Zɛmɛ ta maga funɛ nu womni ta sɛm sɛma a na gbarɛgsi ta val awa chɛrchelsi ta ka ba deŋli a val awa nyuluma ka ba na, alaazibu kinkan fun kpak ba. Ba funɛ pɛgi Ju tima Koosa a la nyɛ un jirima kin nama daha.

Gal. 1:24

Ba fun a pɛgi Koosa mu daha.

Tuma 5:5

Ananias funɛ nu Pita sɛm ta, o fun vaan chel a sou. Ba naa maga funɛ nu chenani yɛɛ, hansura fun kpak ba kinkan.

Jɔn 9:17

Ba fun bukoo pɛɛsi un, “Baal naa i ŋɔ di waa puk i se nan, yɛrɛ i lisi kpa la o wati?” O fun ŋɔ ba, “O ya Koosa witinsi ta digirɛ.”

Jɔn 6:14

Zɛmɛ naa funɛ di diwe ta, fun na chenani Yesu tum tum zen a nyɛ ba, ba fun ŋɔ dɔŋ ni, “Wutirɛ baal nɔ sir ya witiina naa Koosa fun ŋɔ di o zi wa tumu tɛɛnɛ nɔ maga ni wuzu digi chene.”

Jɔn 4:19

Haan ti fun ŋɔ un, “Mu kunyana, i sɛm ta nyɛ mu zim di i ya Koosa witinsi ta digirɛ.

Jɔn 1:25

Ba fun bukoo pɛɛsi Jɔn, “I vɛ ya Kristo naa Koosa fun ŋɔ di o kaa tumu a vɛ ya Ɛlaija koo Koosa witiin ti, yɛrɛ i chaksi nara wa ni ni?”

Jɔn 1:21

Ba fun bukoo pɛɛsi un, “I ya antirɛ? I ya Koosa witiina Ɛlaijarɛɛ?” Jɔn fun ŋɔ ba, “Mu laata.” Ba fun bu pɛɛsi un butora tiina, “Hin ya Koosa witiina naa Koosa fun ŋɔ di o zi wa tumu ya wati chen?” Jɔn fun bukoo ŋɔ ba, “Mu laata.”

Luk 24:19

Yesu fun pɛɛsi un, “Baŋa ya?” O fun ŋɔ un, “Kin naa ba ya Yesu Nazarɛt nar. O funɛ ya witiin naa Koosa tum ya watɛɛ. Waa funɛ kpa o kpok a nyɛ o sɛm sɛm kpoka a la tum tum kpoka a nyɛ un. Chendaha nara maga nyɛ un jirima kinkan.

Luk 9:19

Ba fun ŋɔ, “Bɔnɛ yaa yir hin Jɔn naa la chaksi nara wa ni ni chene. Bɔnɛ yir hin Ɛlaija. Bɔnɛ ka ŋɔ di Koosa witinsi tima digi bur wa.”

Luk 8:37

Ba funɛ nu ba sɛm chen, hansura fun kpak ba maga kinkan. Ba fun wa sumi Yesu di o li ba pulum ni. Saha naa o fun si a la zu arŋ ti chen,

Luk 5:8

Simɔn Pita funɛ na chenani yɛɛ, o fun gbiri Yesu suwachak ni a ŋɔ, “Mu kunyana, mu ya tum tagna nitumirɛ. Mu wa hin wa kilagmi.”

Mat. 28:8

Nihaan tima tusa fun sɔɔni kinkan amaa hansura gbanko funɛ nyɛn ba niu. Ba fun si a chɔ kaali lalaga di ba la ŋɔ o gantɛl tiŋsi ta ni chenani malaika ti sɛm ba.

Tuma 7:37

Mosis nɔ fun ŋɔ Ju tim ta ni, ‘Koosa zi lisi witinsi ta digiu a li ma ni a tum un ma wati a chi chenani o fun tum min ma wati nan.’

Luk 19:44

a kpu ma maga a chɔk kina maga. Hali ba wa zi wa gil chaŋgbaŋa a zɔŋsi dɔŋ ni a li dooni. Ba zi wa ya chenu, domi ma wa fun nu chenani Koosa fun wa yisi ma a li ma tum tagna ni di ma tiŋ un.”

Luk 7:15

Bunɔɔn ti fun vaan si a kani a sɛm sɛma. Yesu fun kpa un a bur la nyɛ o niin ti ni.