Luk 6:41 - Tampulma

⁴¹ “O chi danugil nyɛn ma dɔŋtiin se ni ka dagume nyɛn ma se ni. Yɛrɛ ma kaa ya a na danugil ti ma dɔŋtiin ti si ni?

Luk 6:41 Referans Kwoze

Jɔn 8:7

Ba ha funɛ pɛɛsi un chene, o zer a nyuha a nyini ba a ŋɔ, “Naa vɛ tum tum tagin, waa la zi te yak un wa buŋkul ni.”

Jems 1:24

O yaa na o titi diga ti ni aa kaali. O wa bu lisi chenani o fa du.

Room 2:1

I dɔŋtiina tum tum tagna ka i di un sɛria, i wa zi koti a ŋɔ wu digi. I tum galimsau a du i titi ni. Tum tagna naa i fiksi un chen, ii gbanko tum chene vɛɛna.

Mat. 7:1

“Ma ta na ma dɔŋtiina galimsa, chen ni Koosa gbanko wa zi na ma galimsa.

Luk 6:40

Nibuksi wa to aa la zi zim kaali o nibiksi. O wa buksi peti, o nyɛ o tuha sɔɔni ka ba mak dɔŋa.

Luk 6:42

Yɛrɛ ma ya a ŋɔ ma dɔŋtiin ni, ‘Nyɛ ya lisi danugil ti a ta i si ni ka ma kpak dagume a li ma se ni?’ Ma mur ma titirɛ. Ma te a lisi dagume ti a ta ma se ni, a zi koti a na a lisi danugil ti a ta ma dɔŋtiin si ni.”

Maak 8:7

Nyin wisa gbanko funɛ nyɛn ba wati. O fun a sumi Koosa a du a ni a zer a chɔksi a a nyɛ o gantɛl tiŋsi ta ni di ba kpa gbaari zɛmɛ ta. Ba fun kpa a a nyɛ ba.