Luk 6:19 - Tampulma

¹⁹ Koosa kpok ti funɛ nyɛn un ni o kpa tiibi ba. Chendaha nara tima maga funɛ kpaŋi ba titiu di ba gbaŋsi un.

Luk 6:19 Referans Kwoze

Mat. 14:36

Ba fun sumi un di o nyɛ wichɔɔrsi ta gbaŋsi o takta nɔ, chen ni ba zi na alaafɛu. Ba naa maga funɛ gbaŋsi o takta ti nɔ, ba fun a na alaafɛ.

Maak 3:10

Yesu funɛ tiibi nara kinkan. Chendaha zɛmɛ ta funɛ zaksi dɔŋa di ba la gbaŋsi un.

Maak 5:30

Yesu fun zim di nandigi gbaŋsi unu domi o kpok ti bar digi funɛ liu. O fun burgi o gantɛl a pɛɛsi, “Anti gbaŋsi mu takta nan ni?”

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

Maak 8:22

Ba fun wa tel tɔhɔn naa ba yir Bɛtseida a li Galili pulum ni. Ba funɛ wa tel dooni, nara bɔnɛ fun kpa nyulum digi a wa Yesu wati a wa sumi un di o kpa o nin a gbaŋsi un di o se lɛli.

Tuma 19:12

Yesu nitiŋɛ ta fun kpa Pɔɔl tum kilaarɛ a la gbaŋsi wichɔɔrsa ba na alaafɛ. Ba fun vɛɛn kpa a a gbaŋsi ba naa alizin tagna nyɛn ba nyuuni ni a li ba ni.

Luk 5:17

Wuzu digi Yesu fun a biksi nara ka Koosa kpok nyɛn un ni o kpa un a tiibi wichɔɔrsa. Farisi tim ta awa Koosa chiksɛ nibiksɛ ba naa funɛ li Jɛrusalɛm awa tɔsi naa nyɛn Galili pulum awa Judia pulum ni, ba waa funɛ kani a nu o sɛma.

Luk 6:18

Ba maga funɛ lagmi doon niu di ba nu o sɛma ka o tiibi ba wichɔɔrsa. Ba naa alizin tagna fun nyɛn ba nyuuni ni aa muksi ba, ba gbanko funɛ wau. Yesu fun tiibi ba maga.