Luk 6:14 - Tampulma

¹⁴ Ba naa o fun lisi chen sɔna funɛ ya Simɔn (Yesu fun du un sɔn fali Pita), awa o niinbe Andiru, Jems, Jɔn, Filip, Bartɔlɔmi,

Luk 6:14 Referans Kwoze

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Mat. 4:21

O funɛ bu kaali suwachak tama, o fun na niinbisa ba nara balɛ, Jems awa Jɔn, Zɛbɛdi bisa. Ba wa ba nyana funɛ nyɛn ba arŋ tuhu ni a kɔɔri ba chamna. Yesu fun a yir ba.

Mat. 4:18

Yesu funɛ val Galili bɛɛŋ nɔ ni, o fun na nara balɛ, Simɔn awa o niinbe Andiru ka ba yo cham bɛɛŋ ti ni.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Tuma 12:2

O fun kpak Jems naa ya Jɔn maana, a ŋɔ o lanjimasi ta digi ni o kpa o chise zen a kpu un.

Jɔn 14:8

Filip ha wa fun vɛɛn zim o sɛm ta mun a ŋɔ un, “Mu kunyana, ma nyɛ ya pu i nyan ti. Chen duŋduŋnɛ ya daŋni.”

Jɔn 6:8

Doone Andiru, Simɔn Pita niinbe, fun ŋɔ un,

Jɔn 6:5

Yesu fun burgi a nyini aa go a na zɛmɛ kinkan ka ba wa o wati. O fun pɛɛsi Filip, “Leene ya kaa ya pu diwe a yau a nyɛ zɛmɛ naa maga ni ba di?”

Jɔn 1:45

Filip fun na baal naa ba yir Nataniɛl chen a ŋɔ un, “Mosis awa Koosa witinsa funɛ sɔbi a li Koosa sɛm tɔn ti ni saha digi Kristo naa Koosa fun ŋɔ di o zi wa tumu wuzu digi chen wɛ. Ya zim unu. Waa ya Yesu, Josɛf be, a li tɔhɔn naa ba yir Nazarɛt ni chen.”

Luk 5:10

O chɛnsa ba naa funɛ wa suŋi un chen, sɔna funɛ ya Jems awa Jɔn, Zɛbɛdi bisa. O fun ya ba gbanko alaazibu kinkan. Doone Yesu fun ŋɔ Simɔn, “Ma ta ɔmi. Ma tum ya nyinsa kpaksirɛ hali wa zinan, amaa lalaknɔ mu kpa tum falirɛ a nyɛ ma di ma nyɛ nara wa a wa tiŋ min.”

Luk 5:8

Simɔn Pita funɛ na chenani yɛɛ, o fun gbiri Yesu suwachak ni a ŋɔ, “Mu kunyana, mu ya tum tagna nitumirɛ. Mu wa hin wa kilagmi.”

Maak 14:33

O funɛ la chene, o fun nyɛ Pita, Jems awa Jɔn fun tiŋ un. O fun piili a na namsi kinkan a chi o kaa sou. O tuha fun chɔk kinkan.

Maak 9:2

A wuzu bunɔra gantɛl ni, Yesu fun yir Pita, Jems, awa Jɔn. Ba fun la zini bi digi nyuha a nyɛn doon ba duŋduŋ. Ba funɛ nyɛn doon, Yesu si nyine fun a chɛrgi ba suwachak ni.

Maak 5:37

Yesu wa fun a daŋni nandigi tiŋ un amaa a nyɛ Pita, Jems awa o niinbe Jɔn ba duŋduŋ funɛ tiŋ un kaali.

Maak 1:29

Yesu fun si a li ba bar lagmi dɛ ti ni a la. O wa Jems awa Jɔn fun kaali a la zu Simɔn awa Andiru dama,

Maak 1:19

O funɛ bu kaali suwachak tama, o fun na niinbisa ba nara balɛ, Jems awa Jɔn, Zɛbɛdi bisa. Ba funɛ nyɛn ba arŋ tuhu ni a kɔɔri ba chamna.

Mat. 10:3

Filip, Batɔlɔmi, Tɔmas, Matiu naa funɛ ya lampo nilali, Jems, Alfius be, awa Tadius,

Mat. 10:2

Nitumɛ nara fidalɛ na sɔna funɛ ya Simɔn (Yesu fun du un sɔn fali Pita), o niinbe Andiru, Jems awa o niinbe Jɔn, Zɛbɛdi bisa,

Maak 3:16

O nara fidalɛ ta sɔna funɛ ya Simɔn (Yesu fun du un sɔn fali Pita),

Luk 6:13

Chɔɔsa funɛ wa pisi, o fun yir o gantɛl tiŋsi ta ba wa o wati. O fun lisi ba nara fidalɛ ba tuhu ni a vɔti ba o nitumɛ.

Luk 6:15

Matiu, Tɔmas, Jems, Alfius be, awa Simɔn naa o pulum wa fun nyɛn o bambi ni,