Luk 4:32 - Tampulma

³² Ba naa funɛ nu o biksi ti chen, o ya ba alaazibu. O sɛm ta fun kpak kpok kinkan.

Luk 4:32 Referans Kwoze

Luk 4:36

Nibinsa ba naa funɛ nyɛn dooni chen, o ya ba alaazibu kinkan. Ba fun ŋɔ dɔŋ ni, “Baŋ biksi fali nɛɛnɛ? Ma wa na chenani o kpak kpok di o koti a ŋɔ alizin tagna di a li nara ni a laa?”

Jɔn 6:63

Ba funɛ lul ma, ma wa fun kpak Koosa miisa naa vɛ kpak bɔ. Koosa siim weri ti wa nyɛn nar ni, o fun kpa Koosa mi fali naa vɛ kpak bɔ a du o bambi ni. Mu ŋɔ ma lalaknɔwa chenani ma zi na o mi fali ti,

Tait. 2:15

Kibiksi kin nama a nyɛ nara ni. Kpa Koosa kpok naa o nyɛ hin chen a kpami ba naa la nu i biksi ti. Ba vɛ nu i nɔ, i kpaŋi i titi a ŋɔ ba di ba burgi ba nyuuna. Kpa Koosa kpok ti, chen ni nandigi wa zi koti a nyini hin di i ya bichɛllɛ.

1 Tɛs. 1:5

Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

Maak 1:22

Nibinsa ba naa funɛ nu o biksi chen, o ya ba alaazibu, domi o biksi ti wa fun chi Koosa chiksɛ nibiksɛ biksi. O funɛ kpak kpoku a kaali ba biksi ti.

Luk 2:47

Ba naa maga funɛ nyɛn dooni a nu chenani o sɛm ba wa nɛha sɛm ni, alaazibu fun kpak ba kinkan.

Luk 4:33

Doone baal naa alizin tagin fun kani o nyuhu ni chen digi fun wa ba bar lagmi dɛ ti a tɛsi kinkan a ŋɔ,

Jɔn 7:46

Lanjimasa ta fun ŋɔ ba, “Baal nɔ sɛma kaali chen naa maga ya nu.”