Luk 24:26 - Tampulma

²⁶ Ba funɛ ŋɔ di, ‘Naa Koosa fun vɔu di o tum chen, waɛɛ, o zi namsiu a sou a si la zu Koosa tɔhɔn ti.’ O wa deŋli di o ya chenn?”

Luk 24:26 Referans Kwoze

1 Pita 1:11

Koosa siim weri naa funɛ nyɛn ba ni, fun a biksi ba di wuzu digi Kristo zi wa namsiu a sou a si a li o sou ni a na jirima kinkan a li Koosa wati. Ba funɛ lisi kin nama wɛ a kpaŋi a dɛu saha naa Kristo zi wa wa.

Tuma 17:3

O fun biksi ba di Yesu ya Kristo naa Koosa fun ŋɔ di o zi wa tumu wuzu digi chen a karimi Koosa sɛm tɔn ti bar digi doonani ba fun sɔbi di o zi wa namsiu a sou ka Koosa lɛli un a li o sou ni.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Luk 24:46

a ŋɔ ba di ba sɛm di naa Koosa vɔu di o tum chen zi wa namsiu a sou ka Koosa lɛli un a li o sou ni wuzu butora wuzu.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Luk 24:7

O fun ŋɔ di nara zi wa kpa o wa nibine be a du ba naa la tum tum tagna nisa ni. Ba zi wa kpa unu a la kpaasi a mari daakakli ti ni o sou. Wuzu butora wuzu, Koosa zi wa lɛli unu a li o sou ni.”

Jɔn 2:22

Yesu funɛ sou ka Koosa lɛli un a li o sou ni, o gantɛl tiŋsi ta fun lisi chenani o fun sɛm chen. Ba fun zim di o sɛma awa chenani ba fun sɔbi o wɛ a li Koosa sɛm tɔn ti ni chen, ya wutirɛ.

Jɔn 20:9

Ba ha wa fun zim chenani ba fun sɔbi a li Koosa sɛm tɔn ti ni chen mun. Ba funɛ sɔbiu a ŋɔ, “O lawa Kristo si o sou niu.”