Luk 23:35 - Tampulma

³⁵ Zɛmɛ ta maga fun chiŋi a go aa nyini. Ju tim nihɛɛta ba naa funɛ nyɛn zɛmɛ ta ni, mɔmsi un a ŋɔ dɔŋ ni, “O laata fun yisi nara chen. O ya Kristo naa Koosa fun lisi a nyɛ o titi ni chen, ma nyɛ o lisi o titi.”

Luk 23:35 Referans Kwoze

1 Pita 2:4

Ma wa dugli ya kunyan ti wati. O chi buŋkul naa Koosa fun lisi di o ya kizen a li o dam ni, amaa nisalɛ funɛ vɛ unu a ta. O kpa o mi fali ti a nyɛ ma.

Luk 16:14

Farisi tim ta funɛ ya malɛ timwa. Chendaha ba funɛ nu chenani Yesu sɛm chen, ba mɔmsi un.

Mat. 12:18

O funɛ sɔbiu di Koosa ŋɔ, “Mu tumtumna nɛɛnɛ, naa mu fun lisi a nyɛ mu titi ni. Mu daŋni unu. Waa la ya min lɛmlɛm kinkan. N zi kpa mu siim weri tiu a du un ni, chen ni o zi biksi ba naa vɛ ya Ju tima chenani Koosa daŋni o nyɛ ba nyinbaan deŋli o suwachak ni.

Mat. 3:17

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu sii su nara chen.”

Luk 23:13

Saha tirɛ Pailɔt fun yir Koosa dam kɔkɔɔrsi ta awa tɔhɔn nihɛɛti ta awa zɛmɛ ta ba lagmi o wati.

Luk 23:39

Ŋmɛɛrsi ta nidigi funɛ pini Yesu zoma a ŋɔ un, “I sir ya Kristo naa Koosa ŋɔ di o kaa wa tumu chen, yisi ya maga.”