Luk 23:34 - Tampulma

³⁴ Ba funɛ tum chene, Yesu fun sumi Koosa a ŋɔ, “Nara nama wa zim chenani baa tum. Gil ba tum tagna a nyɛ ba.” Ba funɛ tum peti, ba fun kpa o gata a dau di ba yo walɛ di ba na anti kaa di a.

Luk 23:34 Referans Kwoze

Mat. 5:44

amaa n ŋɔ mau saha nɔ, maa daŋni ma dɔma a kitum tum were a nyɛ ba. Maa sumi Koosa o suŋi ba naa la pini ma zoma a la muksi ma kinkan.

Tuma 7:60

O fun gbiri a sɛm ta zaŋ ni, “Mu kunyana, gil ba tum tagna naa ba tum a du min ni nan a nyɛ ba.” O funɛ sɛm chene a sou.

1 Pita 3:9

Nara tum tum tagna a nyɛ ma, ma ta bur tum tum tagna a nyɛ ba. Ba pini ma zoma a vɛ weri, ma ka ta bur pini ba zoma. Ma ŋɔ ba di Koosa la zi suŋi ma. Koosa funɛ lisi ma a nyɛ o titi ni, o fun a vɔu di ma ya chen, o zi suŋi mau.

Room 12:14

Maa sumi Koosa di o nyɛ ba naa la namsi ma na alaafɛ, a ta ŋɔ nɔ a nyɛ ba.

1 Kɔr. 2:8

Ba naa maga dɔ tɛɛnɛ nɔ maga wa fun zim zima nɔ wɛ. Ba fu zimɛɛ, ba fu wa zi kpu ya kunyan ti o daakakli ti ni.

1 Tim. 1:13

Saha digi mu fun zim un a la chɔk o sɔn a la pini o zoma a la muksi o nitiŋɛ ta kinkan. Mu si wa fun su un. Chendaha mu wa fun zim chenani mu tum. Amaa Koosa funɛ kpak min sikiu,

Tuma 3:17

“Mu dɔŋtima, mu zimu di ma wa ma nihɛɛta wa fun zim chenani ma ya Yesu chen.

1 Kɔr. 4:12

Ya bara wilim nɛɛ ya funɛ di. Nara yaa pini yau, amaa ya yaa sumi Koosau di o suŋi ba. Ba yaa muksi yau kinkan, amaa ya yaa kpak kanyitau ba wati.

Mat. 11:25

A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

Jɔn 19:11

Yesu fun ŋɔ un, “Koosa fu vɛ nyɛ hin i kpok nɔ, i fu wa kikoti a ya min wu digi. Chendaha mu siwɛɛ, naa funɛ kpa min a du i nin ni, o galimsa la zi wa kaali i kin.”

Maak 15:24

Nha ha funɛ vɛ wa tel sal baan nyuha, ba fun kpak un a kpaasi a mari daakakli ti ni. Ba fun kpa o gata a dau di ba yo walɛ di ba na anti kaa di a.

Mat. 11:26

Mu nyana, i funɛ tum chenani i titi daŋniu.”

Luk 22:42

“Mu kunyana, mu sumi hinu, lisi namsi nɔ a li mu nin ni. Nyɛ i tutɔ ti ya a kaali mu tutɔ.”

Jɔn 17:9

“Mu wara sumi hin tɛɛnɛ nɔ tim maga daharɛ. Mu ka sumi hin ba naa se su min daharɛ. Hin dɔ ba a fun lisi ba a nyɛ min.

Tuma 16:28

Doone Pɔɔl fun tɛsi kinkan a ŋɔ un, “Ta kpu i titi. Ya maga nyɛnu.”