Luk 22:52 - Tampulma

⁵² Doone Yesu fun ŋɔ Koosa dam kɔkɔɔrsi ta awa lanjimasa nihɛɛta ba naa la il Koosa bar jɛɛmi dam ti awa tɔhɔn nihɛɛta, ba naa wa di ba kpak un ni, “Mu ya ŋmɛɛrrɛ ma kpa chise zene awa daasa di ma wa kpak minn?

Luk 22:52 Referans Kwoze

Luk 22:4

O fun si a kaali Koosa dam kɔkɔɔrsi ta awa lanjima nihɛɛta ba naa la il Koosa bar jɛɛmi dam ti. O wa ba fun sɛm chenani o zi kpak Yesu a du ba nisa ni.

Tuma 5:26

Koosa bar jɛɛmi dam niilɛ ta awa ba nihɛɛ ti fun kaali dooni lalaga a la kpa ba bur wa. Ba fun la kpa ba awa jirima ni a wa, domi hansura fun kpak ba di nara tima zi yaksi ba wa buŋkuli niu.

Jɔn 17:12

Mu wa ba lagmi nyɛn dɔŋ wati nan, i kpokre mu fun kpa a nyini ba. Ba nibɛgim duŋduŋ ya nibin yɔri a fun lisi o nin a li ya ni. Chenani ba fun sɔbi o wɛ a li Koosa sɛm tɔn ti ni chen ya wutirɛ.

Mat. 26:55

Yesu fun burgi a ŋɔ zɛmɛ ta ni, “Mu ya ŋmɛɛrrɛ ma kpa chise zene awa daasa di ma wa kpak minn? N yaa fun kaniu a biksi ma a li Koosa bar jɛɛmi dam ti ni ka ma vɛ wa kpak min.

Mat. 26:47

O ha funɛ vɛɛn a sɛm chene, Judas naa ya o gantɛl tiŋsi ta digi chen, wa zɛmɛ kinkan fun wa. Koosa dam kɔkɔɔrsi ta awa Ju tim nihɛɛti ta fun a tum ba. Ba fun kpak chise zene awa daasa a wa kpak un.

Luk 22:37

Ma nyɛ mu ŋɔ ma di chenani ba fun sɔbi mu wɛ a li Koosa sɛm tɔn ti ni, chen zi wa ya wutiu. Ba funɛ ŋɔ di, ‘Ba kpa min a gbaari ba naa la tum tum tagna chen ni.’ ”

Luk 22:51

Yesu fun ŋɔ un di o gil chen tumi a kpa o nin a gbaŋsi baal ti diŋna a tiibi un.

Luk 22:53

N yaa fun kaniu a biksi nara a li Koosa bar jɛɛmi dam ti ni ka ma vɛ wa kpak min. Sintana, naa nyɛn birsi ni, kpok ma kpa wa di ma wa kpak min.”